​ ​കടലുണ്ടി: ​കുരുന്നു വിദ്യാർത്ഥികൾക്ക് ​ നൽകുന്ന ചില്ലറ നാണയങ്ങൾ സ്വരൂപിച്ച് നവധാര പാലിയേറ്റീവ് സെന്ററിലെ മാറാ രോഗികൾക്ക് മെഡിക്കൽ ഉപകരണങ്ങളും മരു​ന്നും ​ വാങ്ങാൻ പണവും നൽകി മാതൃകയായി വട്ടപറമ്പ് ക്രസന്റ് പബ്ലിക് സ്കൂൾ വിദ്യാർത്ഥികൾ​.​ സ്കൂളിൽ നടന്ന ചടങ്ങിൽ വിദ്യാർത്ഥികൾ നൽകിയ മെഡിക്കൽ ഉപകരണങ്ങളും ​ പ്രിൻസിപ്പൽ നൽകിയ ധനസഹായവും ചാലിയം ഉമ്പിച്ചി ഹാജി ഹയർ സെക്കൻഡറി പ്രിൻസിപ്പൽ സെയ്ദ് ഹിസാമുദ്ധീൻ എം.വി എറ്റുവാങ്ങി.​ ​സ്കൂൾ അഡ്മിനിസ്ട്രേറ്റർ എസ്.എം.അബ്ദുൽ ജബ്ബാർ,ഡിപ്പാർട്ടമെന്റ് ഹെഡ് സീനത്ത്, അദ്ധ്യാപിക സക്കീന, പാലിയേറ്റീവ് ജനറൽ സെക്രട്ടറി ഒ.വിശ്വനാഥൻ സെക്രട്ടറി യൂനസ് കടലുണ്ടി കോ ഓഡിനേറ്റർ ഉദയൻ കാർക്കോളി, പ്രസിഡന്റ് ഉണ്ണി കുന്നത്ത് എന്നിവർ പങ്കെടുത്തു.