ഫറോക്ക്: ഫറോക്ക് ടൗൺ പരിസരത്ത് ഓപ്പൺ സ്റ്റേജ് സ്ഥാപിക്കണമെന്ന് ഇന്ത്യൻ പീപ്പിൾസ് തിയറ്റർ അസോസിയേഷൻ (ഇപ്റ്റ) സംഘടിപ്പിച്ച കലാസാംസ്കാരിക സംഗമം ആവശ്യപ്പെട്ടു. സംസ്ഥാന സെക്രട്ടറി അനിൽ മാരാത്ത് ഉദ്ഘാടനം ചെയ്തു. ജില്ലാ വൈസ് പ്രസിഡന്റ് കൃഷ്ണദാസ് വല്ലാപ്പുന്നി അദ്ധ്യക്ഷത വഹിച്ചു. നാടക-ചലച്ചിത്ര നടി എൽസി സുകുമാരൻ മുഖ്യപ്രഭാഷണം നടത്തി. ഇപ്റ്റ ബേപ്പൂർ മണ്ഡലം ഭാരവാഹികളായി എൽസി സുകുമാരൻ (പ്രസിഡന്റ് ) ഷാബി പനങ്ങാട്, അഡ്വ.എം.കെ.ബിജു റോഷൻ, സത്യൻസ് (വൈ.പ്രസിഡന്റുമാർ), സി.രാജൻ (സെക്രട്ടറി), താജുദ്ദീൻ കടലുണ്ടി, പ്രഹ്ലാദൻ നല്ലൂർ, ദേവരാജൻ ചെറുവണ്ണൂർ (ജോ.സെക്രട്ടറിമാർ), പി.പീതാംബരൻ (ട്രഷറർ) എന്നിവരെ തെരഞ്ഞെടുത്തു. മണ്ഡലം സെക്രട്ടറി സി.രാജൻ സ്വാഗതവും താജുദ്ദീൻകടലുണ്ടി നന്ദിയും പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |