അമ്മ മലയാളം: മലയാള ഭാഷാ ദിനം ആചരിച്ചു

തിരൂരങ്ങാടി: പുകയൂർ ഗവ. എൽ.പി. സ്‌കൂൾ വിദ്യാർത്ഥികൾ മലയാള ഭാഷാ ദിനം ആചരിച്ചു. പ്രഥമാദ്ധ്യാപിക പി.ഷീജ ഭാഷാദിന സന്ദേശം കൈമാറി. അമ്മ മലയാളം എന്നെഴുതി അതിൽ മലയാളത്തിലെ പ്രമുഖ സാഹിത്യകാരൻമാരുടെ പേരുകളും അവരുടെ വിഖ്യാത കൃതികളും എഴുതി പ്രദർശിപ്പിച്ചായിരുന്നു ദിനാചരണം.ദിനാചരണത്തോടനുബന്ധിച്ച് പ്രത്യേക അസംബ്ലി ചേർന്ന് ഭാഷാദിന പ്രതിജ്ഞയും സാഹിത്യകൃതികളുടെ പ്രദർശനവും സംഘടിപ്പിച്ചു.
അദ്ധ്യാപകരായ കെ.രജിത,സി.ശാരി,സി.ടി അമാനി,കെ.അഖില എന്നിവർ പരിപാടികൾക്ക് നേതൃത്വം നൽകി.