നെൻമിനി മണ്ണിടിച്ചിൽ ദുരന്ത ലഘൂകരണ പദ്ധതി ഉദ്ഘാടനം ചെയ്തു

മലപ്പുറം:കേരള സർക്കാരിന്റെ മണ്ണിടിച്ചിൽ ദുരന്ത ലഘൂകരണ പദ്ധതികളിൽ ഉൾപ്പെടുന്ന നെന്മിനി വാലത്തുൽ മുക്ക് ഈങ്ങാപ്പള്ളിയാൽ പദ്ധതി മഞ്ചേരി എം.എൽ.എ അഡ്വ. യു.എ. ലത്തീഫ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ജമീല ചാലിയത്തൊടി അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് എൻ. മുഹമ്മദ്,​ വാർഡ് മെമ്പർമാരായ ടി.പി.രജീഷ്,​ ജമീല ചോലക്കൽ എന്നിവർ ആശംസകളർപ്പിച്ചു. പെരിന്തൽമണ്ണ മണ്ണ് സംരക്ഷണ ഓഫീസർ പ്രിൻസ് ടി. കുര്യൻ പദ്ധതി വിശദീകരിച്ചു . ഓവർസീയർ പി. ജയരാജൻ സ്വാഗതവും കൺവീനർ നീണ്ടൂർ ബാബു എന്ന മാത്യു ജോസഫ് നന്ദിയും പറഞ്ഞു.

2018 ലുണ്ടായ ഉരുൾപൊട്ടലിൽ പരിസ്ഥിതിക്കും കർഷകർക്കും കൃഷിസ്ഥലങ്ങൾക്കും ഉണ്ടായ ആഘാതങ്ങൾ ലഘൂകരിക്കാനും തുടർ ദുരന്ത സാദ്ധ്യത കുറയ്ക്കാനുമായുള്ള പ്രവർത്തനങ്ങളാണ് ഈ പദ്ധതിയിലൂടെ നടപ്പിലാക്കുന്നത്.