പത്തനംതിട്ട : മദ്യപിച്ച് എത്തിയ നാല് കെ.എസ്.ആർ.ടി.സി ഡ്രൈർമാരെ ഡ്യൂട്ടിക്ക് കയറ്റാതെ മാറ്റിനിറുത്തി. ഇവർക്കെതിരെ വകുപ്പുതല നടപടി വരുമെന്നാണ് സൂചന. വ്യാഴാഴ്ച പുലർച്ചെ 4.15ന് പത്തനംതിട്ടയിൽ നിന്ന് കോഴിക്കോടിന് പുറപ്പെടേണ്ടിയിരുന്ന സൂപ്പർഫാസ്റ്റ് ബസ്, 4.30ന് ഉള്ള കോയമ്പത്തൂർ ജൻറം എ.സി ബസ്, 4.50ന് പുറപ്പെടുന്ന വയ്യാറ്റുപുഴ ഒാർഡിനറി, 6.50ന് ഉള്ള മുണ്ടക്കയം ലിമിറ്റഡ് സ്റ്റോപ്പ് ബസുകളിലെ ഡ്രൈവർമാരെയാണ് ഡ്യൂട്ടിയിൽ നിന്ന് മാറ്റിയത്. പകരം ഡ്രൈവർമാരെ ഉപയോഗിച്ച് വൈകിയാണ് ഇൗ സർവീസുകൾ നടത്തിയത്.
കെ.എസ്.ആർ.ടി.സി വിജിലൻസ് വിഭാഗം ഇൻസ്ട്രക്ടർമാർ ബ്രത്ത് അനലൈസർ ഉപയോഗിച്ച് നടത്തിയ പരിശോധനയിലാണ് മദ്യപിച്ചവരെ കണ്ടെത്തിയത്. ഡ്യൂട്ടിക്ക് വരുന്നതിന് മുൻപ് മദ്യപിച്ചില്ലെന്നും തലേന്ന് രാത്രി മദ്യപിച്ചിരുന്നതായും ഡ്രൈവർമാർ പറഞ്ഞു. കെ.എസ്.ആർ.ടി.സി ജീവനക്കാർ മദ്യപിച്ച് ജോലിക്ക് വരുന്നുണ്ടോ എന്നറിയാൻ കഴിഞ്ഞ ദിവസം മുതൽ സംസ്ഥാന വ്യാപകമായി നടത്തിയ പരിശോധനയിലാണ് ഡ്രൈവർമാർ കുടുങ്ങിയത്. ഡിപ്പോകളിൽ ഏതുസമയത്തും വിജലൻസിന്റെ പരിശാേധനയുണ്ടാകുമെന്ന് അധികൃതർ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |