സ്പെഷ്യൽ സ്കൂൾ അത് ലറ്റിക് മീറ്റ്

അടൂർ : ദീപ്തി സ്പെഷ്യൽ സ്കൂളിന്റെ നേതൃത്വത്തിൽ നടക്കുന്ന എ- സോൺ സ്പെഷ്യൽ സ്കൂൾ അത് ലറ്റിക് മീറ്റ് വെള്ളിയാഴ്ച നടക്കും. ഡോ.ടി.ജി.കോശി മെമ്മോറിയൽ എവർറോളിംഗ് ട്രോഫിക്കു വേണ്ടി ഭിന്നശേഷി കുട്ടികൾക്കായിട്ടാണ് അത് ലറ്റിക് മത്സരം . കൊടുമൺ ഇ എം എസ് സ്റ്റേഡിയത്തിൽ നടക്കുന്ന മീറ്റ് രാവിലെ 8.30ന് ജില്ലാ കളക്ടർ എസ്.പ്രേം കൃഷ്ണൻ ഉദ്ഘാടനം ചെയ്യും. സമാപന സമ്മേളനം ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യും. പത്തനംതിട്ട, ആലപ്പുഴ, കൊല്ലം ജില്ലകളിൽ നിന്നുമുള്ളവരാണ് മീറ്റിൽ പങ്കെടുക്കുന്നത്.