ആറ്റിങ്ങൽ: ആറ്റിങ്ങൽ പാർലമെന്റ് മണ്ഡലത്തിന് കീഴിലെ നാല് റെയിൽവേ ഓവർബ്രിഡ്ജുകൾക്ക് കേന്ദ്രാനുമതി ലഭിച്ചെന്നും ഫണ്ട് വകയിരുത്തിയതായും അഡ്വ. അടൂർ പ്രകാശ് എം. പി അറിയിച്ചു. ചിറയിൻകീഴ് -മുരുക്കുമ്പുഴ, വർക്കല-ഇടവ ,ഇടവ-കാപ്പിൽ, കണിയാപുരം-മുരുക്കുമ്പുഴ എന്നിവയ്ക്കാണ് അനുമതി. ചിറയിൻകീഴ്-മുരുക്കുമ്പുഴ ഓവർബ്രിഡ്ജ് നിർമ്മാണത്തിന് ഒരു കോടി രൂപ വകയിരുത്തി. നിർമ്മാണ പ്രവർത്തനങ്ങൾ ഉടൻ ആരംഭിക്കും. പ്രദേശത്തെ ജനങ്ങളുടെ ചിരകാല ആവശ്യമാണ് നിറവേറുന്നതെന്നും എം.പി പറഞ്ഞു.
വർക്കല-ഇടവ ഓവർബ്രിഡ്ജിന്റെ പ്രാരംഭ പ്രവർത്തനങ്ങൾക്ക് പത്ത് ലക്ഷം രൂപയും വകയിരുത്തി. നിരവധി തവണ കേന്ദ്ര റെയിൽവേ മന്ത്രിയെയും മറ്റ് അധികൃതരെയും നേരിൽ കണ്ടും കത്തുകൾ മുഖേനനയും ആവശ്യപ്പെട്ടതിന് ശേഷമാണ് കേന്ദ്രാനുമതി നേടാനായതെന്നും അടൂർ പ്രകാശ് പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |