തണ്ണീർപ്പന്തൽ ഒരുക്കി ഇസാഫ് ബാങ്ക്

മണ്ണുത്തി: ഇസാഫ് സ്‌മോൾ ഫിനാൻസ് ബാങ്കിന്റെ സാമൂഹിക പ്രതിബദ്ധത പദ്ധതിയുടെ ഭാഗമായി കൊടും ചൂടിൽ വഴിയാത്രക്കാർക്ക് ആശ്വാസമേകാൻ തണ്ണീർപ്പന്തൽ ഒരുക്കി. ലോക ജല ദിനത്തോടനുബന്ധിച്ച് നടക്കുന്ന ജല സംരക്ഷണ കാമ്പയിന്റെ ഭാഗമായി മണ്ണുത്തി ഇസാഫ് ഭവന്റെ മുൻവശത്ത് ദേശീയ പാതയോട് ചേർന്നാണ് പന്തൽ ഒരുക്കിയത്. ഒല്ലൂർ എ.സി.പി പി.എസ്.സുരേഷ് തണ്ണീർപ്പന്തൽ ഉദ്‌ഘാടനം ചെയ്തു.

ഇസാഫ് ബാങ്ക് എം.ഡിയും സി.ഇ.ഒയുമായ കെ.പോൾ തോമസ്, എക്സിക്യൂട്ടീവ് വൈസ് പ്രസിഡന്റ് ജോർജ് തോമസ്, മണ്ണുത്തി ജനകീയ കൂട്ടായ്മ ചെയർമാൻ ഭാസ്കരൻ കെ.മാധവൻ, വ്യാപാരി വ്യവസായി ഏകോപന സമിതി പ്രസിഡന്റ് സി.എ.ബാബു , സെക്രട്ടറി കെ.എ.ഷിഹാബ് എന്നിവർ സംസാരിച്ചു. രാവിലെ 9 മുതൽ വൈകിട്ട് 6 മണിവരെ പ്രവർത്തിക്കുന്ന തണ്ണീർപ്പന്തലിൽ കുടിവെള്ളവും സംഭാരവുമാണ് പൊതുജനങ്ങൾക്കായി ഇസാഫ് ഒരുക്കിയത്. ലോക ജല ദിനത്തിന്റെ ഭാഗമായി ഇസാഫ് ബാങ്ക് എം.ഡിയും സി.ഇ.ഒയുമായ കെ.പോൾ തോമസ് ബാങ്ക് ജീവനക്കാർക്കായി പ്രതിജ്ഞയും സന്ദേശവും നൽകി.