പി.എം കുസും പദ്ധതി രജിസ്ട്രേഷൻ ഇന്ന്

തൃശൂർ: അനെർട്ട് മുഖാന്തിരം കേന്ദ്രസംസ്ഥാന സബ്‌സിഡിയോടെ നടപ്പാക്കുന്ന കാർഷിക പമ്പുകളുടെ സൗരോർജ്ജവത്കരണ പദ്ധതിയുടെ (പി.എം.കുസും) രണ്ടാംഘട്ട രജിസ്‌ട്രേഷൻ ഇന്ന് രാവിലെ 10ന് അടാട്ട് കൃഷിഭവനിൽ നടത്തും. ഈ പദ്ധതിയിൽ രജിസ്റ്റർ ചെയ്യാൻ താല്പര്യമുള്ളവർ ആധാർ കാർഡിന്റെ കോപ്പി, കെ.എസ്.ഇ.ബി ബില്ലിന്റെ കോപ്പി, കരമടച്ച രസീതി എന്നിവ കൊണ്ടുവരണം. 2 എച്ച്.പി മുതൽ 7.5 എച്ച്.പി വരെയുള്ള എൽ.ടി 5 എ /എൽ.ടി 5ബി അഗ്രികർച്ചർ / അക്വാകൾച്ചർ താരിഫുകളിൽ അഞ്ചേക്കറിൽ താഴെ 30 സെന്റിൽ കുറയാത്ത കൃഷി ചെയ്യുന്ന സൗജന്യ വൈദ്യുതി ലഭിക്കുന്ന കർഷകർക്ക് മുൻഗണനയുണ്ട്. പദ്ധതിയിൽ നിലവിൽ 60 ശതമാനം സബ്‌സിഡിയുണ്ട്. ശേഷിക്കുന്ന 40 ശതമാനം തുക ഗുണഭോക്തൃ വിഹിതമായി അനെർട്ട് മുഖേന നബാർഡ് വായ്പയായി അനുവദിക്കും.