പാംഓയിൽ ഇറക്കുമതി വർദ്ധിക്കും

ന്യൂഡൽഹി: ഇന്ത്യയിലെ പാംഓയിൽ ഇറക്കുമതി കഴിഞ്ഞ വർഷത്തേക്കാൾ വർദ്ധിക്കുമെന്ന് റിപ്പോർട്ട്. ഇറക്കുമതി 16% ഉയർന്ന് നാല് വർഷത്തെ ഏറ്റവും ഉയർന്ന നിലയി‍ൽ 9.17 ദശലക്ഷം ടണ്ണിലെത്തുമാണ് കണക്കുകൾ, കൊവിഡ് മഹാമാരി കാലത്ത് ഉപഭോഗം കുറഞ്ഞെങ്കിലും ഈ വർഷം 5‍ശതമാനം വർദ്ധിക്കും.

നവംബർ 1 ന് ആരംഭിച്ച 2022/23 വിപണന വർഷത്തിന്റെ ആദ്യ നാല് മാസങ്ങളിൽ ഇന്ത്യയുടെ പാം ഓയിൽ ഇറക്കുമതി ഒരു വർഷം മുമ്പുള്ളതിൽ നിന്ന് 74% ഉയർന്ന് 3.67 ദശലക്ഷം ടണ്ണായി,

ഇന്തോനേഷ്യ, മലേഷ്യ, തായ്‌ലൻഡ് എന്നിവിടങ്ങളിൽ നിന്നാണ് ഇന്ത്യ പ്രധാനമായും പാമോയിൽ വാങ്ങുന്നത്.

രാജ്യത്തിന്റെ മൊത്തം സസ്യ എണ്ണ ഇറക്കുമതി ഒരു വർഷം മുമ്പ് 14.07 ദശലക്ഷം ടണ്ണിൽ നിന്ന് ഈ വർഷം 14.38 ദശലക്ഷം ടണ്ണായി ഉയരുമെന്നും റിപ്പോർട്ടുണ്ട്.