ബന്ധൻ ഇന്നൊവേഷൻ ഫണ്ടിന് രണ്ട് വയസ്

കൊച്ചി: ഇന്നവേഷൻ മേഖലയിൽ പ്രവർത്തിക്കുന്ന കമ്പനികളിൽ നിക്ഷേപിക്കുന്ന ബന്ധൻ ഇന്നൊവേഷൻ ഫണ്ട് രണ്ടുവർഷം പൂർത്തിയാക്കി. ഇന്ത്യയുടെ ഭാവി രൂപപ്പെടുത്തുന്ന നവീന ബിസിനസുകളെ തിരിച്ചറിയുകയും അവയിൽ നിക്ഷേപിക്കുകയും ചെയ്യുന്നതാണ് ഫണ്ടിന്റെ പ്രധാന ലക്ഷ്യം. ആർ ആൻഡ് ഡി നിക്ഷേപം, ഉയർന്ന നൈപുണ്യമുള്ള ജീവനക്കാർ, വ്യത്യസ്ത ഉൽപ്പന്നങ്ങളും സേവനങ്ങളും, ശക്തമായ ബ്രാൻഡ് സാന്നിധ്യം എന്നിവയുള്ള സ്ഥാപനങ്ങളിലാണ് ശ്രദ്ധ കേന്ദ്രീകരിക്കുന്നതെന്ന് ഫണ്ട് മാനേജർ പ്രതീക് പോദ്ദാർ അഭിപ്രായപ്പെട്ടു. നവീകരണ ചക്രങ്ങളാൽ മുന്നേറുന്ന ബിസിനസുകളിൽ ദീർഘകാല വളർച്ചാ സാധ്യതകൾ കണ്ടെത്തുകയാണ് കമ്പനി ലക്ഷ്യമാക്കുന്നത്.