ബ‌ഡ്ജറ്റ്: കോൺഗ്രസ് കരിദിനം ഇന്ന്

തിരുവനന്തപുരം: ബ‌ഡ്ജറ്റിലെ ജനദ്റോഹ നടപടികൾക്കും നികുതി കൊള്ളയ്ക്കുമെതിരെ ഇന്ന് സംസ്ഥാന വ്യാപകമായി കരിദിനം ആചരിക്കാൻ കെ.പി.സി.സി ഭാരവാഹിയോഗം തീരുമാനിച്ചു. ജില്ലാ കേന്ദ്രങ്ങളിൽ രാവിലെ പ്രതിഷേധ പരിപാടികൾ. വൈകിട്ട് മണ്ഡലം കമ്മി​റ്റികളുടെ നേതൃത്വത്തിൽ പന്തം കൊളുത്തി പ്രകടനം. കേരള ചരിത്രത്തിൽ ഇതുപോലൊരു നികുതി വർദ്ധന ഉണ്ടായിട്ടില്ലെന്ന് യോഗം കുറ്റപ്പെടുത്തി. അതിനാൽ കേരളം ഇതുവരെ കാണാത്ത രീതിയിലുള്ള പ്രക്ഷോഭമാകും നടത്തുക. കെ.പി.സി.സി അദ്ധ്യക്ഷൻ കെ.സുധാകരൻ അദ്ധ്യക്ഷത വഹിച്ചു.