അദാനി ഓഹരി​കളി​ൽ ഇടി​വ് തുടരുന്നു

മുംബയ്: ഹിഡൻബർഗ് റിപ്പോർട്ടി​നെത്തുടർന്നുണ്ടായ ഓഹരി​ വി​പണിയി​ലെ അദാനി​യുടെ തകർച്ച തുടരുന്നു. അഞ്ച് ദിവസം മാത്രം 46 ശതമാനമാണ് അദാനി എന്റർ പ്രൈസസിന്റെ ഓഹരി​കളി​ൽ ഇടിവുണ്ടായത്. ഭേദപ്പെട്ട നിലയിലാണ് തിങ്കളാഴ്ച്ചത്തെ കമ്പനിയുടെ വിപണി വ്യാപാരം. നിലവിലെ കണക്ക് പ്രകാരം ഓഹരി വിപണിയിൽ അദാനി ഗ്രൂപ്പിന്റെ നഷ്ടം 10,000 കോടി ഡോളറാണ് (ഏകദേശം 8 ലക്ഷം കോടി രൂപ). ഓഹരി വില കുത്തനെ താഴ്ന്നതിനെ തുടർന്ന് അദാനി എന്റർപ്രൈസസ് 20,000 കോടി രൂപയുടെ ഓഹരി തുടർ വിൽപ്പന കഴിഞ്ഞ ദിവസം പിൻവലിച്ചിരുന്നു. നിലവിൽ സ്റ്റോക്ക് മൂല്യം 1561 രൂപയിലേക്ക് എത്തിയിട്ടുണ്ട്. കഴിഞ്ഞ ദിവസങ്ങളിൽ ഇത് 1388 രൂപയായിരുന്നു.