പ്രതിപക്ഷം സഭയിലെത്തിയത് കാൽനടയായി

തിരുവനന്തപുരം: ഇന്ധന സെസ് പിൻവലിക്കില്ലെന്ന നിലപാടിൽ പ്രതിഷേധിച്ച് ഇന്നലെ പ്രതിപക്ഷം നിയമസഭയിലെത്തിയത് കാൽനടയായി. 'നികുതിക്കൊള്ള,​ പിടിച്ചുപറി,​ പോക്കറ്റടി" എന്നെഴുതിയ കറുത്ത ബാനറും പ്ളക്കാർഡുകളും പിടിച്ച് പ്രതിപക്ഷ നേതാവ് വി.ഡി. സതീശന്റെ നേതൃത്വത്തിലാണ് എം.എൽ.എ ഹോസ്റ്റലിൽ നിന്ന് പ്രതിപക്ഷാംഗങ്ങൾ എത്തിയത്. സതീശനൊപ്പം പി.കെ. കുഞ്ഞാലിക്കുട്ടി,​ കെ.പി.എ. മജീദ്,​ അനൂപ് ജേക്കബ്,​ പി.കെ. ബഷീർ,​ അൻവർ സാദത്ത്,​ ടി. സിദ്ദിഖ്,​ കെ.കെ. രമ,​ ഉമാ തോമസ് എന്നിവരായിരുന്നു മുൻനിരയിൽ. കോൺഗ്രസ് പ്രവർത്തകരും എം.എൽ.എമാർക്കൊപ്പം പ്രതിഷേധത്തിൽ അണിചേർന്നു. ജനങ്ങളെ കൊള്ളയടിക്കുന്ന നികുതി നിർദ്ദേശങ്ങൾക്കെതിരെ ശക്തമായ സമരം നടത്തുമെന്ന് സതീശൻ പറഞ്ഞു. സഭയിൽ പ്രതിഷേധിച്ച പ്രതിപക്ഷം സഭ പിരിഞ്ഞതിനുശേഷം ബാനർ ഉയർത്തി മുദ്രാവാക്യം വിളികളുമായാണ് പുറത്തേക്ക് പോയത്.