ലളിതഗാന വേദിയിലെ ഏക സന്യാസിനി

കൊച്ചി: 125പേർ പങ്കെടുത്ത ലളിതഗാന മത്സരത്തിൽ താരമായി സിസ്റ്റർ മേബിൾ മാത്യൂ. പായിപ്പാട് ബി.എഡ് കോളജിലെ ഹിന്ദി ഒന്നാംവർഷ വിദ്യാർത്ഥിനിയായ സിസ്റ്റർ മേബിൾ,​ രാധികാ തിലകിന്റെ 'ദ്വാപര യുഗത്തിലെ' എന്നു തുടങ്ങുന്ന ഗാനമാണ് ആലപിച്ചത്. ലളിതഗാനത്തിന് പുറമേ ഹിന്ദി കവിതാ പാരായണത്തിലും സിസ്റ്റർ മത്സരിച്ചിരുന്നു. സ്‌കൂൾ കലോത്സവങ്ങളിൽ സ്ഥിരംസാന്നിദ്ധ്യമായിരുന്ന സിസ്റ്റർ ആലപ്പുഴ ചമ്പക്കുളം സ്വദേശിയാണ്.