ബെൻസി പ്രൊഡക്ഷൻസിന്റെ 'ഡി.എൻ.എ' കൊച്ചിയിൽ

കൊച്ചി: ബെൻസി പ്രൊഡക്ഷൻസിന്റെ ബാനറിൽ കെ.വി. അബ്ദുൽ നാസർ നിർമ്മിക്കുന്ന ഡി.എൻ.എ എന്ന ചിത്രത്തിന്റെ പൂജ എറണാകുളം അഞ്ചുമന ദേവീക്ഷേത്രാങ്കണത്തിൽ നടന്നു. ഡി.എൻ.എയുടെ ചിത്രീകരണം ഫെബ്രുവരി അവസാനവാരം എറണാകുളത്ത് ആരംഭിക്കും . പത്തു ദിവസത്തോളം ചെന്നൈയിലും ചിത്രീകരണം നടക്കും.

നെടുമ്പാശ്ശേരി സിയാൽ കൺവെൻഷൻ സെന്ററിൽ നടന്ന വിപുലമായ ചടങ്ങിൽ ചിത്രത്തിന്റെ സ്വിച്ച് ഓൺ കർമ്മം അക്ബർ ഗ്രൂപ്പ് ഒഫ് കമ്പനീസ് ചീഫ് മാനേജിംഗ് ഡയറക്ടറും നിർമ്മാതാവുമായ കെ.വി.അബ്ദുൽ നാസർ നിർവഹിച്ചു. സംവിധായകൻ ടി.എസ്.സുരേഷ് ബാബു,​ തിരക്കഥാകൃത്ത് എ.കെ. സന്തോഷ് , ക്യാമറാമാൻ രവി ചന്ദ്രൻ , പ്രൊഡക്ഷൻ ഡിസൈനർ ശ്യാം കാർത്തികേയൻ, പ്രൊഡക്ഷൻ കൺട്രോളർ അനീഷ് പെരുമ്പിലാവ്, ചീഫ് അസോസിയേറ്റ് ഡയറക്ടർ അനിൽ മേടയിൽ എന്നിവർ പങ്കെടുത്തു. ചടങ്ങിൽ നടന്മാരായ ബാബു ആന്റണി,​ കുഞ്ചൻ, പത്മരാജ് രതീഷ്,​ ഡ്രാക്കുള സുധീർ, ഗൗരി നന്ദ, രാജാ സാഹിബ് എന്നിവരും അക്ബർ ഗ്രൂപ്പിന്റെ കേരളത്തിലെ ജീവനക്കാരും സന്നിഹിതരായിരുന്നു.