കൃഷിയിട അധിഷ്ടിത ഫാം പ്ലാൻശില്പശാല

ആലങ്ങാട്: കൃഷിയിട അധിഷ്ടിത ഫാം പദ്ധതിയുമായി ബന്ധപ്പെട്ട് ശില്പശാല സംഘടിപ്പിച്ചു. ആലങ്ങാട് ബ്ലോക്ക് പഞ്ചായത്ത് പ്രസിഡന്റ്‌ രമ്യ തോമസ് ഉദ്ഘാടനം ചെയ്തു. വൈസ് പ്രസിഡന്റ് എം.ആർ. രാധാകൃഷ്ണൻ അദ്ധ്യക്ഷനായി. ബ്ലോക്കിന് കീഴിലെ കൃഷിഭവനുകളിൽ നിന്നും തി​രഞ്ഞെടുക്കപ്പെട്ട 10 കർഷകരുടെ വീതം ഫാം പ്ലാനുകൾ വിദഗ്ദ്ധരുമായി ചർച്ച ചെയ്ത് അന്തിമരൂപം നൽകി. ഇടുക്കി ഫാം സൂപ്രണ്ട് ബിജുമോൻ സക്കറിയ പദ്ധതി വിശദീകരണം നടത്തി. ഡോ. ടി.ആർ.ഷേർളി, ട്രീസ മോളി, ഡോ.സിമി റോസ്, പി.എൻ. രാജു, ടി.എൻ.നിഷിൽ എന്നിവർ സംസാരിച്ചു.