ഡോ.പ്രേംസാഗർ മിശ്രയ്ക്ക് ഐ.ഐ.ടിയുടെ ബഹുമതി

ധൻബാദ്: സൗത്ത് ഈസ്‌റ്റേൺ കോൾഫീൽഡ്‌സ് ലിമിറ്റഡിന്റെ (എസ്.ഇ.എസ്.എൽ)​ ചെയർമാനും മാനേജിംഗ് ഡയറക്‌ടറുമായ ഡോ. പ്രേംസാഗർ മിശ്രയ്ക്ക് ധൻബാദിലെ ഐ.ഐ.ടി-ഐ.എസ്.എമ്മിന്റെ പരമോന്നത ബഹുമതി. ഖനനമേഖലയിലെ മികച്ച സംഭാവനകൾ മാനിച്ച്,​ വിശിഷ്‌ട പൂർവവിദ്യാർത്ഥി പുരസ്‌കാരമാണ് അദ്ദേഹത്തിന് സമ്മാനിച്ചത്.

ഐ.എസ്.എം ധൻബാദിൽ നടന്ന ചടങ്ങിൽ അദ്ദേഹം പുരസ്‌കാരം ഏറ്റുവാങ്ങി. അദ്ദേഹത്തിന്റെ പത്നി പൂനം മിശ്ര സന്നിഹിതയായിരുന്നു. ഇന്ത്യൻ സ്‌കൂൾ ഒഫ് മൈൻസിൽ (ഐ.എസ്.എം)​ നിന്ന് 1987ൽ ബി.ടെക് (മൈനിംഗ്)​ പൂർത്തിയാക്കിയ ഡോ.മിശ്ര,​ ഇവിടെ നിന്ന് പിഎച്ച്.ഡിയും കരസ്ഥമാക്കിയിട്ടുണ്ട്. 2010-14ൽ അദ്ദേഹം ഐ.എസ്.എം അലുമ്നി അസോസിയേഷൻ ജനറൽ സെക്രട്ടറിയുമായിരുന്നു.