ചോദ്യം ഉന്നയിക്കാതെ കോൺ. എം.എൽ.എമാർ

തിരുവനന്തപുരം: നിയമസഭയിൽ ചോദ്യോത്തര വേളയിൽ ഷുഹൈബ് വധക്കേസുമായി ബന്ധപ്പെട്ട ചോദ്യങ്ങൾ ഉന്നയിക്കാതെ മൂന്ന് കോൺഗ്രസ് എം.എൽ.എമാർ വിട്ടുനിന്നു. ഇതേവിഷയത്തിൽ അടിയന്തര പ്രമേയ നോട്ടീസ് നൽകിയതിനെ തുടർന്നായിരുന്നു ഇത്. സണ്ണി ജോസഫ്, സജീവ് ജോസഫ്,​ സനീഷ് കുമാർ ജോസഫ് എന്നിവരാണ് വിട്ടുനിന്നത്. ചോദ്യം ഉന്നയിക്കാനായി സ്പീക്കർ ഇവരെ വിളിച്ചെങ്കിലും സീറ്റിലുണ്ടായിരുന്നില്ല. വ്യാഴാഴ്‌ച ചോദ്യോത്തര വേളയിൽ പരിഗണിച്ച കെ.എസ്.ആർ.ടി.സിയുമായി ബന്ധപ്പെട്ട വിഷയം അടിയന്തരപ്രമേയമായി വന്നപ്പോൾ അനുമതി നൽകാതെ തള്ളിയിരുന്നു. ഈ സാഹചര്യം മനസിലാക്കിയായിരുന്നു കോൺഗ്രസ് നീക്കം.