മൈലേജിൽ മുന്നിൽ ബ്രെസ,​ സിഎൻജി എഡിഷൻ ഇന്ത്യൻ വിപണിയിലിറക്കി

മാരുതി സുസുക്കി ബ്രെസ സിഎൻജി ഇന്ത്യൻ വിപണിയിലിറക്കി. അടിസ്ഥാന LXi വേരിയന്റിന് 9.14 ലക്ഷം രൂപയാണ് എക്സ് ഷോറൂം വില. ഏറ്റവും ഉയർന്ന ZXi ഡ്യുവൽ ടോൺ വേരിയന്റിന് 12.05 ലക്ഷം രൂപ . സിഎൻജി കരുത്ത് ലഭിക്കുന്ന വിപണിയിലെ ആദ്യത്തെ സബ്-കോംപാക്റ്റ് എസ്‌യുവിയാണ് ഇപ്പോൾ ബ്രെസ.

ഒരു കിലോ ഇന്ധനത്തിന് ഏകദേശം 25.51 കിലോമീറ്റർ മൈലേജാണ് ബ്രെസ സിഎൻജി വാഗ്ദാനം ചെയ്യുന്നത്. LXi, VXi, ZXi, ZXi ഡ്യുവൽ ടോൺ എന്നീ നാല് വകഭേദങ്ങളിലാണ് എത്തുന്നത്. ഈ വേരിയന്റുകളിൽ, ഇലക്ട്രോണിക് സൺറൂഫ്, ക്രൂയിസ് കൺട്രോൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, കീലെസ് പുഷ് സ്റ്റാർട്ട് എന്നിവയുള്ള സ്മാർട്ട്പ്ലേ പ്രോ ഇൻഫോടെയ്ൻമെന്റ് സിസ്റ്റം തുടങ്ങിയ ഫീച്ചറുകൾ ബ്രെസ തുടർന്നും നൽകും. സിഎൻജി മോഡിൽ, ബ്രെസ്സ 121.5 Nm ടോർക്ക് വാഗ്ദാനം ചെയ്യുന്നു, കൂടാതെ പരമാവധി 87 bhp പവറും ഉണ്ട്.