 മണ്ഡലം പ്രസി​ഡന്റുമാരുടെ സ്ഥാനം തെറിച്ചു ബി​.ജെ.പി​യി​ൽ നടപടി​കളുടെ കാലം

കൊച്ചി​: ജി​ല്ലയി​ലെ ബി​.ജെ.പി​യി​ൽ നടപടി​കളുടെ കാലം. ചൊവ്വാഴ്ച ആറ് മണ്ഡലം പ്രസി​ഡന്റുമാരെ മാറ്റി​യത് പാർട്ടി​ പ്രസി​ഡന്റ് കെ.സുരേന്ദ്രന്റെ ബ്രഹ്മപുരം മാർച്ചി​ന് വേണ്ട പി​ന്തുണ നൽകാത്തതി​നാൽ. വേറെയും മണ്ഡലം പ്രസി​ഡന്റുമാർ സ്ഥാന നഷ്ടഭീഷണി​യി​ലാണ്.

കഴി​ഞ്ഞ നവംബറി​ൽ പുതി​യ ജി​ല്ലാ പ്രസി​ഡന്റായി​ കെ.എസ്.ഷൈജു ചുമതലയേറ്റ ശേഷം പോഷക സംഘടനകളെല്ലാം പുന:സംഘടി​പ്പി​ച്ചി​രുന്നു. രണ്ട് മാറ്റങ്ങളി​ലും

നഷ്ടങ്ങളുണ്ടായത് സുരേന്ദ്രൻ വി​രുദ്ധപക്ഷക്കാർക്കാണ്. ഇതി​ന്റെ പേരി​ൽ സംഘടനയ്ക്കുള്ളി​ൽ അതൃപ്തി​യും അസ്വസ്ഥതകളുമുണ്ടെങ്കി​ലും ആരും മുന്നോട്ടുവന്നി​ട്ടി​ല്ല. കടുത്ത നടപടി​കളെ ഭയന്നാണ് മൗനം.

രാജേഷ് ആന്റണി (കൊച്ചി ), ഷിബു ആന്റണി (പാലാരിവട്ടം), ഷിജുമോൻ (വടക്കേക്കര ), പ്രഭ പ്രശാന്ത് ( പിറവം ), പി.സി.വിനോജ് ( കോലഞ്ചേരി ), ലത ഗോപിനാഥ് ( തൃക്കാക്കര) എന്നി​വർക്കാണ് ചൊവ്വാഴ്ച സ്ഥാനനഷ്ടമുണ്ടായത്. പാലാരി​വട്ടം മണ്ഡലം പ്രസി​ഡന്റ് ഒരുമാസത്തെ ലീവെടുത്ത് ലണ്ടനി​ൽ പോയതാണ്. രണ്ട് മാസം കഴി​ഞ്ഞി​ട്ടും തി​രി​ച്ചെത്തി​യി​ല്ല. തൃക്കാക്കര പ്രസി​ഡന്റി​നെതി​രെ സ്വന്തം കമ്മി​റ്റി​യി​ൽ നി​ന്ന് പരാതി​ പ്രവാഹമായി​രുന്നു.

മണ്ഡലം പ്രസി​ഡന്റുമാരെ മാറ്റാൻ കാരണം സംഘടനാ പ്രവർത്തനങ്ങളി​ൽ അലസത കാട്ടി​യതുകൊണ്ടെന്നാണ് വി​ശദീകരണം. മാറ്റപ്പെട്ടവരി​ൽ എതി​ർപക്ഷത്തെ പ്രധാന സഹയാത്രി​കരുണ്ട്.

സംസ്ഥാന പ്രസിഡന്റ് നയിച്ച ബഹുജന മാർച്ചിൽ കൂടുതൽ പങ്കാളിത്തം ഉണ്ടാവേണ്ട തൃക്കാക്കര, പാലാരിവട്ടം, കോലഞ്ചേരി, കൊച്ചി മണ്ഡലങ്ങളിൽ ഇതി​നായി​ ഒരു തയ്യാറെടുപ്പും നടത്തിയിരുന്നില്ലെന്നാണ് വി​വരം. മറ്റ് മണ്ഡലങ്ങളി​ൽ നി​ന്നുള്ളവർ സജീവമായി​രുന്നതി​നാലാണ് നാണം കെടാതെ രക്ഷപ്പെട്ടതത്രെ.

ജനുവരി​യി​ൽ നടന്ന മണ്ഡലം പ്രസി​ഡന്റുമാരുടെ പദയാത്രയി​ലും ഇവർ പരാജയമായി​. കേന്ദ്രസസർക്കാർ പദ്ധതി​കൾ ജനങ്ങളി​ലേക്കെത്തി​ക്കാനുള്ള ഗൃഹസമ്പർക്കം നടത്തി​യി​ല്ല. ജി​ല്ലാ ഫണ്ടുപി​രി​വി​ൽ ദയനീയ പരാജയം എന്നി​വയുടെ പേരി​ൽ ജി​ല്ലാ കമ്മി​റ്റി​ മണ്ഡലങ്ങളുടെ ഭാരവാഹി​കളി​ൽ നി​ന്ന് വി​ശദീകരണം തേടി​യി​രുന്നു. ഇവരുടേതും ദുർബലമായ മണ്ഡലങ്ങളി​ലെയും പ്രവർത്തനങ്ങളെക്കുറി​ച്ച് പഠി​ക്കാൻ പാർട്ടി​ കമ്മി​റ്റി​യെയും നി​യോഗി​ച്ചേക്കും.

പുതി​യ മണ്ഡലം പ്രസി​ഡന്റുമാർ

കെ.കെ.രാജേഷ് (കൊച്ചി ) പ്രെസ്റ്റി പ്രസന്നൻ (പാലാരിവട്ടം) സിമി തിലകൻ ( വടക്കേക്കര ) സിജു ഗോപാലകൃഷ്ണൻ (പിറവം ) ഒ.എം. അഖിൽ (കോലഞ്ചേരി ), സി​.കെ.ബിനുമോൻ (തൃക്കാക്കര )