കോഴിക്കോട് നഗരത്തിൽ വൻ തീപിടിത്തം; കാറുകൾ ഉൾപ്പെടെ കത്തി നശിച്ചു

കോഴിക്കോട്: വസ്ത്രവ്യാപാര സ്ഥാപനത്തിൽ വൻ തീപിടിത്തം. കല്ലായി റോഡിലുള്ള ജയലക്ഷ്മി സിൽക്സിന്റെ കെട്ടിടത്തിലാണ് തീപിടിത്തമുണ്ടായത്. 20 ഫയർഫോഴ്സ് യൂണിറ്റുകൾ സ്ഥലത്തെത്തി മൂന്ന് മണിക്കൂറിലധികം എടുത്താണ് തീ പൂർണമായും അണച്ചത്. തീപിടിത്തത്തിൽ സ്ഥാപനത്തിന്റെ രണ്ടാം നില പൂർണമായും കത്തി നശിച്ചു.

രാവിലെ ആ​റു മണിയോടെയാണ് തീപിടിത്തമുണ്ടായത്. ഷോറൂമിന് മുന്നിലെ പാര്‍ക്കിംഗ് ഏരിയയിലുണ്ടായിരുന്ന കാറുകളും തീപിടിത്തത്തിൽ കത്തിനശിച്ചിട്ടുണ്ട്. പുറത്തുണ്ടായിരുന്ന കാറിലാണ് ആദ്യം തീ കണ്ടത്. പിന്നീട് കെട്ടിടത്തിന്റെ രണ്ടാം നിലയിലും തീ കാണുകയായിരുന്നു.