ഒപ്പമുണ്ട് എം.പി പദ്ധതി: ചാലക്കുടിയിൽ ക്യാമ്പുകൾ

കൊച്ചി: 'ഒപ്പമുണ്ട് എം.പി' പദ്ധതിയുടെ ഭാഗമായി ഭിന്നശേഷിക്കാർക്ക് സഹായ ഉപകരണങ്ങൾ നൽകുന്നതിന് ബെന്നി ബഹനാൻ ക്യാമ്പുകൾ നടത്തുന്നു. കേന്ദ്ര സ്ഥാപനമായ ആർട്ടിഫിഷ്യൽ ലിംഫ് മാനുഫാക്ചറിംഗ് കോർപ്പറേഷൻ സൗജന്യമായാണ് ഉപകരണങ്ങൾ വിതരണം ചെയ്യുന്നത്.

എറണാകുളം, തൃശൂർ ജില്ലകളിലെ 7 അസംബ്ലി മണ്ഡലങ്ങൾ കേന്ദ്രീകരിച്ചാണ് ക്യാമ്പ്. ഉപകരണങ്ങൾ ആവശ്യമുള്ളവർ 40 ശതമാനമോ അതിലധികമോ വൈകല്യം തെളിയിക്കുന്ന മെഡിക്കൽ ബോർഡ് സർട്ടിഫിക്കറ്റ്, വരുമാന സർട്ടിഫിക്കറ്റ് അല്ലെങ്കിൽ റേഷൻ കാർഡ് ( മാസവരുമാനം 22,500 ൽ താഴെ), ആധാർ കാർഡ്, പാസ്‌പോർട്ട് സൈസ് ഫോട്ടോ എന്നിവ സഹിതം നേരിട്ടെത്തി ക്യാമ്പിൽ രജിസ്റ്റർ ചെയ്യണം.

ക്യാമ്പുകൾ

പെരുമ്പാവൂർ, കുന്നത്തുനാട് മണ്ഡലങ്ങളിൽപ്പെട്ടവർ 10ന് രാവിലെ 9.30 മുതൽ പെരുമ്പാവൂർ മുനിസിപ്പൽ ടൗൺ ഹാൾ.

ആലുവ, അങ്കമാലി 11ന് രാവിലെ 9.30 മുതൽ നെടുമ്പാശേരി മാർ അത്തനേഷ്യസ് ഹയർ സെക്കൻഡറി സ്‌കൂൾ.

കൊടുങ്ങല്ലൂർ, കയ്പ്പമംഗലം മണ്ഡലങ്ങളിൽ 12ന് രാവിലെ 9.30 മുതൽ കൊടുങ്ങല്ലൂർ പണിക്കേഴ്‌സ് ഹാൾ.

ചാലക്കുടി മണ്ഡലത്തിൽപ്പെട്ടവർ 13ന് രാവിലെ 9.30 മുതൽ ചാലക്കുടി എസ്.എൻ.ഡി.പി ഹാൾ.