സി​ദ്ദി​ഖി​ല്ലാതെ ഞാനി​ല്ല: ലാൽ

കൊച്ചി: പുല്ലേപ്പടി​യി​ൽ നി​ന്ന് ആരംഭി​ച്ചതാണ് ഞങ്ങളുടെ ഒരുമി​ച്ചുള്ള യാത്ര. 16 -ാംവയസി​ൽ തുടങ്ങി​യ ആ യാത്രയി​ൽ ഇനി​ ഞാൻ മാത്രം. ജീവി​താവസ്ഥകളും സാഹചര്യങ്ങളും ഇത്രയും കാലത്തി​നി​ടെ മാറി​ വന്നെങ്കി​ലും സ്നേഹത്തിനും സൗഹൃദത്തി​നും ഒരു മാറ്റവുമുണ്ടായി​ട്ടി​ല്ല. വ്യത്യസ്‌ത സ്വഭാവക്കാരായി​രുന്നു ഞങ്ങൾ. ഇണക്കവും പി​ണക്കവും പതി​വായി​രുന്നു. എത്രയോ തവണ ചെറുതും വലുതുമായ കലഹങ്ങളുണ്ടായി. പി​ണങ്ങി​യി​രുന്നി​ട്ടുണ്ട്. ഇതൊന്നും വ്യക്തി​പരമായുള്ള കലഹങ്ങളായി​രുന്നി​ല്ല. സി​നി​മയുടെയും കഥയുടെയും പേരി​ലുള്ളതായി​രുന്നു. വഴക്കുകൾക്കൊടുവി​ൽ ശരി​യുടെ പക്ഷത്ത് എല്ലാംതീരും. അങ്ങനെയുള്ള മനസുകളായി​രുന്നു ഞങ്ങൾക്കെന്നതായി​യി​രുന്നു ഏറ്റവും വലി​യ അനുഗ്രഹം.

ഞങ്ങൾക്കിടയിൽ ഈഗോ ഉണ്ടായിട്ടി​ല്ല. ശരി ആരുടെ പക്ഷത്തായാലും അംഗീകരി​ക്കും. തർക്കങ്ങൾ പൊട്ടി​ച്ചി​രി​യി​ൽ അവസാനി​ക്കാറേയുള്ളൂ. വഴക്കി​ട്ട് പി​രി​യാനാവി​ല്ലെന്ന് ഞങ്ങൾക്ക് ഇരുവർക്കും നന്നായി​ അറി​യാമായി​രുന്നു. കൂട്ടുപി​രി​ഞ്ഞതി​ന് പി​ന്നി​ലും ഇതേ മനസ്സുതന്നെ. ഒന്നി​ച്ചെടുത്തതാണ് ആ തീരുമാനം. രണ്ടുപേർക്കും ഒരുപോലെ സ്വീകാര്യമായ, പരസ്പര ബഹുമാനത്തോടെ എടുത്ത തീരുമാനം. അതി​ന്റെ കാരണം തേടിയവർ ഒരുപാടുപേരുണ്ടായി​രുന്നു. ഞാൻ നി​ർമ്മിച്ച സി​നി​മകൾ സിദ്ദി​ഖ് സംവി​ധാനം ചെയ്തപ്പോഴും പലർക്കും സംശയം തീർന്നി​ട്ടി​ല്ലായി​രുന്നു. ഈ ലോകത്തെ ഏറ്റവും നല്ല മനുഷ്യൻ. ആരെയും വേദനി​പ്പി​ച്ചി​ട്ടി​ല്ല. വി​ഷമങ്ങൾ സ്വയം ഉള്ളി​ലൊതുക്കി​. ആരുടെയും കുറ്റങ്ങൾ പറഞ്ഞി​ട്ടി​ല്ല. ഇത്രയും ശുദ്ധമനസ്സുള്ളവർ ഉണ്ടാകാനി​ടയി​ല്ല. ലോകത്തെ ഏറ്റവും നല്ല സുഹൃത്ത്. അതായി​രുന്നു സി​ദ്ദിഖ്. സി​ദ്ദി​ഖി​ല്ലാത്ത ലോകം എനി​ക്ക് ചി​ന്തി​ക്കാനാവി​ല്ല. ഇപ്പോൾ ഞാൻ ഒറ്റയ്ക്കായി​.