ശബരിമല: ആവശ്യമെങ്കിൽ മുൻകരുതലെടുക്കണം

കൊച്ചി: കോഴിക്കോട് നിപ്പ സ്ഥിരീകരിച്ച സാഹചര്യത്തി​ൽ ശബരിമല തീർത്ഥാടകരുടെ കാര്യത്തിൽ ആവശ്യമെങ്കിൽ ആരോഗ്യ വകുപ്പ് മുൻ കരുതലെടുക്കണമെന്ന് ഹൈക്കോടതി നിർദ്ദേശിച്ചു. കന്നിമാസ പൂജയ്ക്കായി 17ന് നട തുറക്കുന്ന സാഹചര്യത്തിലാണ് ജസ്റ്റിസ് അനിൽ. കെ. നരേന്ദ്രൻ, ജസ്റ്റിസ് സോഫി തോമസ് എന്നിവരുൾപ്പെട്ട ഡിവിഷൻ ബെഞ്ചി​ന്റെ ഉത്തരവ്. 22 നാണ് നട അടയ്ക്കുന്നത്. നിപ്പ സാഹചര്യത്തിൽ ആവശ്യമെങ്കിൽ നടപടിയെടുക്കാൻ ആരോഗ്യവകുപ്പിനു നിർദ്ദേശം നൽകണമെന്ന് ശബരിമല സ്പെഷ്യൽ കമ്മിഷണർ ഡിവിഷൻ ബെഞ്ചിൽ റിപ്പോർട്ടു നൽകിയിരുന്നു.