കെ. ത്രി. എ ഫ്ളവർ ഷോ ഡിസംബറിൽ കോട്ടയത്ത്
കൊച്ചി: കേരള അഡ്വർട്ടൈസിംഗ് ഏജൻസീസ് അസോസിയേഷൻ (കെ.ത്രി.എ) കോട്ടയം സോൺ സംഘടിപ്പിക്കുന്ന ഫ്ളവർ ഷോ ഡിസംബർ 21 മുതൽ 31 വരെ നാഗമ്പടം മൈതാനിയിൽ നടക്കും. ഇരുപതിനായിരം ചതുരശ്രയടി വിസ്തീർ ണത്തിൽ ലക്ഷക്കണക്കിന് പൂക്കളും വർണ ചെടികളും കൊണ്ട് അലങ്കരിക്കുന്ന പുഷ്പോദ്യാനമാണ് ഇതിന്റെ മുഖ്യ ആകർഷണം. വിവിധ ശില്പങ്ങളും, രൂപങ്ങളും പച്ചക്കറികൾ കൊണ്ട് സൃഷ്ടിക്കുന്ന വെജിറ്റബിൾ കാർവിംഗ്, ആയിരക്കണക്കിന് വൈവിധ്യമാർന്ന പൂച്ചെടികൾ, വിദേശഫലവൃക്ഷങ്ങൾ അടങ്ങുന്ന നെഴ്സറികൾ, പെറ്റ് ഷോ, ഫുഡ് കോർട്ട് എന്നിവ ഫ്ളവർ ഷോയ്ക്ക് മിഴിവേകും.
ഡിസംബർ 23 ന് കുട്ടികൾക്കായി കിഡ്സ് ഫാഷൻ ഷോ മത്സരവും 27ന് കുട്ടികളുടെ ചിത്ര രചനാ മത്സരവും 28 ന് കരോൾ ഗാന മത്സരവും നടക്കും. ഔദ്യോഗിക ബ്രോഷർ പ്രകാശനവും സ്റ്റാളുകളുടെ വില്പന ഉദ്ഘാടനവും മുൻ മന്ത്രി തിരുവഞ്ചൂർ രാധാകൃഷ്ണൻ എം.എൽ.എ, ലൈഫ്വാലി ഇന്റർനാഷണൽ സ്കൂൾ ആൻഡ് ജംസ് ഇന്ത്യ ചെയർമാൻ ജോസഫ് സെബാസ്റ്റ്യന് നൽകി ഉദ്ഘാടനം ചെയ്തു. കെ.ത്രി.എ. കോട്ടയം സോൺ പ്രസിഡന്റ് ഷിബു.കെ.ഏബ്രഹാം, കെ.ത്രി.എ ചീഫ് പേട്രൺ ജോസഫ് ചാവറ, തുടങ്ങിയവർ പങ്കെടുത്തു.