എംപ്ലോയബിലിറ്റി എൻഹാൻസ്മെന്റ് പ്രോഗ്രാം: 15 വരെ അപേക്ഷിക്കാം
തിരുവനന്തപുരം: പിന്നാക്ക സമുദായങ്ങളിൽപ്പെട്ട (ഒ.ബി.സി ) ഉദ്യോഗാർത്ഥികൾക്ക് മെഡിക്കൽ/എൻജിനിയറിംഗ്എൻട്രൻസ്, സിവിൽ സർവ്വീസ്, ബാങ്കിംഗ് സർവ്വീസ് തുടങ്ങിയ വിവിധ മത്സരപരീക്ഷകൾക്കുള്ള പരിശീലനങ്ങൾക്ക് പിന്നാക്ക വിഭാഗ വികസന വകുപ്പ് മുഖേന ധനസഹായം നൽകുന്ന എംപ്ലോയബിലിറ്റി എൻഹാൻസ്മെന്റ് പ്രോഗ്രാം പദ്ധതി പ്രകാരം ഇ-ഗ്രാന്റ്സ് 3.0 ഓൺലൈൻ പോർട്ടൽ മുഖേന അപേക്ഷ സമർപ്പിക്കുന്നതിനുള്ള തീയതി 15 വരെ ദീർഘിപ്പിച്ചു. പദ്ധതി സംബന്ധിച്ചുള്ള വിജ്ഞാപനം www.egrantz.kerala.gov.in, ww.bcdd.kerala.gov.in ൽ. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ആഫീസുകളുമായി ബന്ധപ്പെടണം .
ക്ഷീരഗ്രാമം പദ്ധതി
തിരുവനന്തപുരം: ക്ഷീര വികസന വകുപ്പിന്റെ വാർഷിക പദ്ധതിയുടെ ഭാഗമായി ക്ഷീരഗ്രാമം പദ്ധതി നടപ്പാക്കുന്നതിന് 10 വരെ ക്ഷീര വികസന വകുപ്പിന്റെ https://ksheerasree.kerala.gov.in പോർട്ടൽ മുഖേന അപേക്ഷിക്കാം. കൂടുതൽ വിവരങ്ങൾക്ക് ബ്ലോക്ക് തലത്തിൽ പ്രവർത്തിക്കുന്ന ക്ഷീര വികസന യൂണിറ്റുമായി ബന്ധപ്പെടണം.
ഫാർമസിസ്റ്റ് ഒഴിവ്
തിരുവനന്തപുരം: എറണാകുളം ജനറൽ ആശുപത്രിയിൽ ആശുപത്രി വികസന സൊസൈറ്റി മുഖേന ഫാർമസിസ്റ്റ് തസ്തികയിൽ താത്കാലിക നിയമനം നടത്തുന്നതിന് 15ന് രാവിലെ 11ന് വാക് ഇൻ ഇന്റർവ്യൂ നടത്തും. പ്രീഡിഗ്രി/ പ്ലസ്ടു/ വി.എച്ച്.എസ്.ഇ (സയൻസ് സ്ട്രീമിൽ പാസായവരും ഫാർമസി ഡിപ്ലോമ/ തത്തുല്യമുള്ളവരും സംസ്ഥാന ഫാർമസി കൗൺസിലിൽ രജിസ്റ്റർ ചെയ്തവരുമായവർക്ക് അപേക്ഷിക്കാം. യോഗ്യത തളിയിക്കുന്ന രേഖകളുടെ അസൽ, പകർപ്പ്, ബയോഡേറ്റ എന്നിവ സഹിതം സൂപ്രണ്ടിന്റെ ഓഫീസിൽ ഹാജരാകണം. കൂടുതൽ വിവരങ്ങൾക്ക് : 0484 2386000.
ഇലക്ട്രിക്കൽ
വയർമാൻ പരീക്ഷ
തിരുവനന്തപുരം: ഇലക്ട്രിക്കൽ വയർമാൻ എഴുത്തു പരീക്ഷയ്ക്ക് സമർപ്പിച്ച അപേക്ഷകളിൽ ന്യൂനതകൾ കണ്ടെത്തിയവ ഡിസംബർ എട്ടുവരെ പുനഃസമർപ്പിക്കാമെന്ന് ഇലക്ട്രിസിറ്റി ലൈസൻസിംഗ് ബോർഡ് സെക്രട്ടറി അറിയിച്ചു.
സൈനിക സ്കൂൾ പ്രവേശനം:അപേക്ഷകൾ 16വരെ
തിരുവനന്തപുരം: പുതിയ അദ്ധ്യയനവർഷത്തിലേക്കുള്ള പ്രവേശനത്തിന് കഴക്കൂട്ടം സൈനിക സ്കൂൾ 16 വരെ അപേക്ഷ സ്വീകരിക്കും.6,9 ക്ളാസുകളിലേക്കാണ് പ്രവേശനം. ജനുവരി 21നാണ് പ്രവേശനപരീക്ഷ.
ആറാം ക്ലാസിൽ 64 ആൺകുട്ടികളുടെയും 10 പെൺകുട്ടികളുടെയും ഒമ്പതാം ക്ലാസിൽ 35 ആൺകുട്ടികളുടെയും ഒഴിവുണ്ട്. 67% സീറ്റുകൾ കേരളത്തിൽ നിന്നുള്ള വിദ്യാർത്ഥികൾക്ക് സംവരണമുണ്ട്. ആറാം ക്ലാസിലേക്ക് 12ഉം ഒമ്പതാം ക്ലാസിലേക്ക് 15 വയസുമാണ് പ്രായപരിധി.
വിശദാംശങ്ങൾക്ക് www.sainikschooltvm.nic.in അല്ലെങ്കിൽ https://aissee.nta.nic.in.
സ്റ്റാഫ് സെലക്ഷൻ കമ്മിഷൻ പരീക്ഷ
തിരുവനന്തപുരം; സി.ആർ.പി.എഫ് കോൺസ്റ്റബിൾ, എസ്.എസ്.എഫ്, അസം റൈഫിൾസിൽ റൈഫിൾമാൻ തസ്തികകളിൽ നിയമനത്തിനുള്ള മത്സര പരീക്ഷയ്ക്ക് സ്റ്റാഫ് സെലക്ഷൻ കമ്മിഷൻ അപേക്ഷ ക്ഷണിച്ചു. 31 വരെ ഓൺലൈനായി അപേക്ഷിക്കാം. കൂടുതൽ വിവരങ്ങൾക്ക് www.ssckkr.kar.nic.in, ssc.nic.in