ലീഡേഴ്സ് ക്യാമ്പ്

മലപ്പുറം: സംഘടനാ ശാക്തീകരണം ലക്ഷ്യമാക്കി എസ്.വൈ.എസ് മലപ്പുറം ഈസ്റ്റ് ജില്ല ഓർഗനൈസേഷൻ ഡയറക്ടറേറ്റിനു കീഴിൽ നടക്കുന്ന 'ബ്ലൈസ് ' സർക്കിൾ ലീഡേഴ്സ് ക്യാമ്പിന് പ്രൗഢമായ തുടക്കം. കൊളത്തൂർ സോണിലെ പുഴക്കാട്ടിരി സർക്കിളിൽ നടന്ന ജില്ലാ തല ഉദ്ഘാടനം എസ്.വൈ.എസ് ഈസ്റ്റ് ജില്ല ഓർഗനൈസേഷൻ പ്രസിഡന്റ് സയ്യിദ് മുർതള ശിഹാബ് സഖാഫി നിർവ്വഹിച്ചു.
പരവക്കൽ കൻസുൽ ഉലൂം സുന്നി മദ്രസയിൽ നടന്ന ക്യാമ്പിൽ സി.പി.ഹുസൈൻ സഖാഫി അദ്ധ്യക്ഷത വഹിച്ചു. ആത്മീയം, ചരിത്ര പഠനം, ആസ്വാദനം, ഡോക്യുമെന്ററി പ്രദർശനം, വിദാഅ് തുടങ്ങി വിവിധ സെഷനുകൾക്ക് ജില്ലാ സെക്രട്ടറി പി.പി.മുജീബ് റഹ്മാൻ,പി.ശറഫുദ്ദീൻ സഅദി, വി.ഷൗഖത്തലി, സഈദ് സഖാഫി, കെ.ടി.ഷൗക്കത്തലി സഖാഫി, അബ്ദുറഹീം ഫാളിലി, വി.നാസർ, അബ്ദുൽ ഹമീദ് മുസ്ലിയാർ, അബ്ദുനാഫി ഇംദാദി,മുസ്തഫ ഫാളിലി നേതൃത്വം നൽകി.