ശിവഗിരിയിൽ ഇന്ന് നാട്ടുവൈദ്യ സംഗമം
ശിവഗിരി : ശിവഗിരി തീർഥാടനത്തിന്റെ ഭാഗമായി സംസ്ഥാന പാരമ്പര്യ നാട്ടുവൈദ്യ സംഗമം ഇന്ന് രാവിലെ 9 മണിക്ക് ശിവഗിരിയിൽ നടക്കും. ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ഉദ്ഘാടനം ചെയ്യും. ജനറൽ സെക്രട്ടറി സ്വാമി ശുഭാംഗാനന്ദ അനുഗ്രഹ പ്രഭാഷണം നടത്തും.
പാരമ്പര്യ വൈദ്യം ആഗോളതലത്തിൽ ഒരു അവലോകനം, പാരമ്പര്യ ചികിത്സാ മേഖല നേരിടുന്ന
വെല്ലുവിളികൾ, പാരമ്പര്യ സിദ്ധ വൈദ്യത്തിന്റെ കഴിവുകളും സാധ്യതകളും തുടങ്ങിയ വിഷയങ്ങളിൽ സെമിനാർ നടക്കും. സൗജന്യ വൈദ്യ പരിശോധനയുമുണ്ട്.
ഗുരുധർമ്മ പ്രചാരണസഭ സെക്രട്ടറി സ്വാമി അസംഗാനന്ദഗിരി , ഡോ.രേണു സുരേഷ്, പി.വി.ബാലകൃഷ്ണൻ വൈദ്യൻ, ഡോ.കെ.രാധാകൃഷ്ണൻ, ഡോ.ശ്രീകുമാർ, സാമുവൽ ജോർജ്‌, സോമൻ വൈദ്യർ, ഡോ.ഷിബു ജയരാജ്, പി.ടി. ജോൺ, സുജി ഗുരുക്കൾ, ഡോ.ശ്രീദേവി.കെ.എൻ, വാസുദേവൻ വൈദ്യൻ തുടങ്ങിയവർ പങ്കെടുക്കും. അന്താരാഷ്ട്രതലത്തിൽ കഴിവ് തെളിയിച്ച പാരമ്പര്യ വൈദ്യൻ സിന്റോ ജോസഫിന് ശിവഗിരി മഠം വൈദ്യ ശ്രേഷ്ട സേവാ പുരസ്‌കാരം സമ്മാനിക്കും.