പി.എസ്.സി പ്രമാണപരിശോധന
കേരള നിയമസഭ സെക്രട്ടേറിയറ്റിൽ റിപ്പോർട്ടർ ഗ്രേഡ് 2(മലയാളം)- ഒന്നാം എൻ.സി.എ പട്ടികജാതി
(കാറ്റഗറി നമ്പർ 172/2022) തസ്തികയുടെ ചുരുക്കപട്ടികയിലുൾപ്പെട്ടവരിൽ വെരിഫിക്കേഷൻ പൂർത്തിയാക്കാത്തവർക്ക് 12ന് രാവിലെ 10.30ന് പി.എസ്.സി ആസ്ഥാന ഓഫീസിലെ ജി.ആർ.2 സി വിഭാഗത്തിൽ പ്രമാണപരിശോധന നടത്തും. സംശയനിവാരണത്തിനായി ജി.ആർ.2 സി വിഭാഗവുമായി ബന്ധപ്പെടണം (0471 2546294).
സാങ്കേതിക വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (മെക്കാനിക്കൽ എൻജിനിയറിംഗ്) (കാറ്റഗറി
നമ്പർ 727/2021) തസ്തികയിലേക്കുള്ള ചുരുക്കപ്പട്ടികയിലുൾപ്പെട്ടവർക്ക് 13ന് പി.എസ്.സി
ആസ്ഥാന ഓഫീസിൽ പ്രമാണപരിശോധന നടത്തും. വിശദവിവരങ്ങൾക്ക് ജി.ആർ. 7 വിഭാഗവുമായി ബന്ധപ്പെടണം (0471
2546441).
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ പ്രോസ്തോഡോണ്ടിക്സ് (കാറ്റഗറി നമ്പർ
94/2022) തസ്തികയിലേക്ക് 13ന് രാവിലെ 10.30ന് പി.എസ്.സി. ആസ്ഥാന
ഓഫീസിൽ പ്രമാണപരിശോധന നടത്തും. അറിയിപ്പ് ലഭിക്കാത്തവർ ജി.ആർ.6 വിഭാഗവുമായി ബന്ധപ്പെടണം (0471 2546364).
വ്യാവസായിക പരിശീലന വകുപ്പിൽ ജൂനിയർ ഇൻസ്ട്രക്ടർ (കമ്പ്യൂട്ടർ ഓപ്പറേറ്റർ ആൻഡ്
പ്രോഗ്രാമിംഗ് അസിസ്റ്റന്റ്) (കാറ്റഗറി നമ്പർ 745/2021) തസ്തികയുടെ ചുരുക്കപട്ടികയിലുൾപ്പെട്ടവരിൽ
പ്രമാണപരിശോധന പൂർത്തിയാക്കാത്തവർക്ക് 13ന് പി.എസ്.സി ആസ്ഥാന
ഓഫീസിൽ പ്രമാണപരിശോധന നടത്തും. വിശദവിവരങ്ങൾക്ക് ജി.ആർ.9 വിഭാഗവുമായി ബന്ധപ്പെടണം (0471 2546446).
സാങ്കേതിക വിദ്യാഭ്യാസ വകുപ്പിൽ ലക്ചറർ ഇൻ കമ്പ്യൂട്ടർ എൻജിനിയറിംഗ് (ഗവ.
പോളിടെക്നിക്കുകൾ) (കാറ്റഗറി നമ്പർ 64/2021) തസ്തികയുടെ ചുരുക്കപട്ടികയിലുൾപ്പെട്ടവരിൽ അപേക്ഷയിലെ
ന്യൂനത പരിഹരിക്കേണ്ടവർക്ക് 14ന് രാവിലെ 10.30 ന് പി.എസ്.സി ആസ്ഥാന
ഓഫീസിൽ പ്രമാണപരിശോധന നടത്തും. അറിയിപ്പ് ലഭിക്കാത്തവർ ജി.ആർ.5 വിഭാഗവുമായി ബന്ധപ്പെടണം (0471 2546439).
ഒ.എം.ആർ പരീക്ഷ
കേരള വനം വന്യജീവി വകുപ്പിൽ റേഞ്ച് ഫോറസ്റ്റ് ഓഫീസർ (കാറ്റഗറി നമ്പർ 296/2023)
തസ്തികയിലേക്ക് 16ന് രാവിലെ 7.15 മുതൽ 9.15 വരെ ഒ.എം.ആർ പരീക്ഷ നടത്തും.
ഉദ്യോഗാർത്ഥികൾ അഡ്മിഷൻ ടിക്കറ്റ് പ്രൊഫൈലിൽ നിന്നും ഡൗൺലോഡ് ചെയ്യണം.
തൊഴിലധിഷ്ഠിത കോഴ്സുകൾ
തിരുവനന്തപുരം: കെൽട്രോണിന്റെ തൊഴിലധിഷ്ഠിത കോഴ്സുകളായ ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്, കമ്പ്യൂട്ടർ ഹാർഡ്വെയർ ആൻഡ് നെറ്റ്വർക്ക് മെയിന്റനൻസ്, വെബ് ഡിസൈൻ ആൻഡ് ഡെവലപ്മെന്റ്, ഡി.സി.എ, സോഫ്റ്റ്വെയർ ടെസ്റ്റിംഗ് എന്നിവയിൽ അപേക്ഷിക്കാം. ഫോൺ 0471- 2337450, 8590605271
ലോഞ്ച് പാഡ് സംരംഭകത്വ വർക്ക്ഷോപ്പ്
തിരുവനന്തപുരം: സംരംഭം തുടങ്ങാനാഗ്രഹിക്കുന്നവർക്കായി കേരള ഇൻസ്റ്റിറ്റ്യൂട്ട് ഫോർ ഓൺട്രപ്രണർഷിപ്പ് അഞ്ച് ദിവസത്തെ വർക്ക്ഷോപ്പ് സംഘടിപ്പിക്കുന്നു. 19 മുതൽ 23 വരെ താവക്കരയിലുള്ള കണ്ണൂർ സർവകലാശാലയുടെ സ്റ്റുഡന്റ് അമിനിറ്റീസ് സെന്ററിലാണ് പരിശീലനം. പുതിയ സംരംഭകർ നിർബന്ധമായും അറിഞ്ഞിരിക്കേണ്ട ബിസിനസിന്റെ നിയമവശങ്ങൾ, ഐഡിയ ജനറേഷൻ, പ്രോജക്ട് റിപ്പോർട്ട് തയ്യാറാക്കുന്ന വിധം, സെയിൽസ് ആൻഡ് മാർക്കറ്റിംഗ്, ബാങ്കിൽ നിന്ന് ലഭിക്കുന്ന സാമ്പത്തിക സഹായങ്ങൾ, ജി.എസ്.ടി, സംരംഭം തുടങ്ങാനാവശ്യമായ ലൈസൻസുകൾ, വിജയിച്ച സംരംഭകന്റെ അനുഭവം പങ്കിടൽ, തുടങ്ങിയ നിരവധി സെഷനുകൾ ഉൾപ്പെടുത്തിയിട്ടുണ്ട്. http://kied.info/training-calender സന്ദർശിച്ച് 16ന് മുമ്പ് ഓൺലൈനായി അപേക്ഷ സമർപ്പിക്കണം. തിരഞ്ഞെടുക്കപ്പെടുന്ന 35പേർ മാത്രം ഫീസടച്ചാൽ മതി. കൂടുതൽ വിവരങ്ങൾക്ക്: 0484 2532890/ 2550322/9633050143.