ഷാന്റോ ബംഗ്ലാദേശ് ക്യാപ്ടൻ

ധാക്ക: മൂന്ന് ഫോർമാറ്റുകളിലും ബംഗ്ലാദേശ് ക്രിക്കറ്റ് ടീമിന്റെ പുതിയ ക്യാപ്ടനായി നജ്മൽ ഹുസൈൻ ഷാന്റോയെ തിരഞ്ഞെടുത്തു. പരിക്കിന്റെ പിടിയിൽ നിന്ന് സ്ഥിരം നായകൻ ഷാക്കിബ് അൽ ഹസ്സൻ മോചിതനാകാൻ വൈകുന്നതിനാലാണ് പുതിയ സീസണിലേക്ക് ഷാന്റോയെ ക്യാപ്ടനായി പ്രഖ്യാപിച്ചത്.ന്യൂസിലാൻഡിനെതിരെ നടന്ന മത്സരങ്ങളിൽ ഇരുപത്തഞ്ചുകാരനായ നജ്മലായിരുന്നു ക്യാപ്ടൻ. ബംഗ്ലാദേശിന് ഈ വർഷം 14 ടെസ്റ്റുകളും ഒൻപത് ഏകദിനങ്ങളും ഇരുപതോളം ട്വന്റി-20 മത്സരങ്ങളുമുണ്ട്. ട്വന്റി-20 ലോകകപ്പും ഈ വർഷമുണ്ട്.