ഗുരുവായൂരപ്പന് നാളെ സഹസ്രകലശവും ബ്രഹ്മകലശവും അഭിഷേകം
Monday 19 February 2024 12:00 AM IST
ഗുരുവായൂർ: ഗുരുവായൂരപ്പന് ചൊവ്വാഴ്ച്ച ആയിരംകുടം കലശവും ബ്രഹ്മകലശവും അഭിഷേകം ചെയ്യും. ഇന്ന് തത്വകലശാഭിഷേകം നടക്കും. ബ്രഹ്മകലശാഭിഷേകത്തോടെ കലശച്ചടങ്ങുകൾക്ക് പരിസമാപ്തിയാകും. ഇന്ന് ഉച്ചപൂജയ്ക്ക് മുമ്പായാണ് തത്വകലശാഭിഷേകം.
മന്ത്രപുരസരം 24 തത്ത്വങ്ങളെ സന്നിവേശിപ്പിക്കുന്ന തത്ത്വകലശപൂജ രാവിലെ എട്ടിന് വലിയ പാണിയോടെ ആരംഭിക്കും. തുടർന്ന് നാഡിസന്താന പൂജ നടക്കും. വൈകിട്ട് സഹസ്രകലശാഭിഷേകത്തിനുള്ള 1001 കലശം നിറയ്ക്കൽ, അധിവാസഹോമം, അധിവാസപൂജ എന്നിവ നടക്കും. ചൊവ്വാഴ്ചയാണ് ആയിരം കലശം അഭിഷേകവും ബ്രഹ്മകലശാഭിഷേകവും.