ഡിജിറ്റൽ യൂണി. വാർഷികാഘോഷം
തിരുവനന്തപുരം: കേരള യൂണിവേഴ്സിറ്റി ഒഫ് ഡിജിറ്റൽ സയൻസ് ഇന്നോവേഷൻ ആൻഡ് ടെക്‌നോളജിയുടെ (ഡിജിറ്റൽ യൂണിവേഴ്സിറ്റി കേരള) മൂന്നാം വാർഷികം ആഘോഷിച്ചു. ടെക്‌നോപാർക്ക് ക്യാമ്പസിലെ സീ ഡാക്ക് ആംഭി തീയേറ്റർ വേദിയിൽ നടന്ന ചടങ്ങിൽ ഡിജിറ്റൽ യൂണിവേഴ്സിറ്റി വൈസ് ചാൻസിലർ ഡോ. സജി ഗോപിനാഥ്, യൂണിവേഴ്സിറ്റി ബോർഡ് ഒഫ് ഗവേർണൻസ് ചെയർമാൻ ഡോ. വിജയ് ചന്ദ്രു, ഐ.ടി സംരംഭകൻ ശ്രീധർ വെമ്പു, എച്ച്.ഡി.എഫ്.സി ബാങ്ക് സീനിയർ വൈസ് പ്രസിഡന്റ് സുഭാഷ്, യൂണിവേഴ്സിറ്റി രജിസ്ട്രാർ പ്രൊഫ. എ.മുജീബ് തുടങ്ങിയവർ പങ്കെടുത്തു. യൂണിവേഴ്സിറ്റിക്കായി എച്ച്.ഡി.എഫ്.സി ബാങ്ക് തയ്യാറാക്കിയ ഡിജിറ്റൽ പേയ്‌മെന്റ് കാർഡും പ്രകാശനം ചെയ്തു. സർക്കാരിന്റെ ഇക്കണോമിക്സ് ആൻഡ് സ്റ്റാറ്റിക്സ് ഡിപ്പാർട്ട്‌മെന്റിൽ നിന്നുള്ള തിരഞ്ഞെടുക്കപ്പെട്ട ജീവനക്കാർക്ക് കപ്പാസിറ്റി ബിൽഡിംഗ് പ്രോഗ്രാം സർട്ടിഫിക്കറ്റുകളും ചടങ്ങിൽ വിതരണം ചെയ്തു.