ഇ.ഡിക്കെതിരെ ശക്തമായ പോരാട്ടം: വേണുഗോപാൽ

ആലപ്പുഴ: ബി.ജെ.പിയുടെ ഇലക്ഷൻ വിഭാഗമായി പ്രവർത്തിക്കുന്ന ഇ.ഡിക്കെതിരായ പോരാട്ടം ശക്തമാക്കുമെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ പറഞ്ഞു. കെ.പി.​.സി​.സി​ പ്രസി​ഡന്റ് കെ. സുധാകരനും പ്രതി​പക്ഷ നേതാവ് വി​.ഡി​. സതീശനും നയി​ക്കുന്ന സമരാഗ്നി പ്രക്ഷോഭയാത്രയ്ക്ക് ആലപ്പുഴ പാർലമെന്റ് മണ്ഡലത്തിൽ നൽകി​യ സ്വീകരണം ഉദ്ഘാടനം ചെയ്യുകയായിരുന്നു വേണുഗോപാൽ. ടി.പി. ചന്ദ്രശേഖരൻ വധത്തിൽ പുനരന്വേഷണം നടത്തിയാൽ കുഞ്ഞനന്തന്റെ മരണം ഉൾപ്പെടെയുള്ള വിവരങ്ങൾ പുറത്താകുമെന്ന് കെ.പി.സി.സി പ്രസിഡന്റ് കെ. സുധാകരൻ പറഞ്ഞു. തറവാട് മുടിക്കുന്ന ഭരണമാണ് സംസ്ഥാനത്ത് നടക്കുന്നതെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു.