അജീഷിന്റെ മകളെ അധിക്ഷേപിച്ച ആൾക്കെതിരെ പരാതി
Sunday 25 February 2024 1:17 AM IST
കൽപ്പറ്റ: കാട്ടാനയുടെ ആക്രമണത്തിൽ കൊല്ലപ്പെട്ട അജീഷിന്റെ മകളെ സമൂഹമാദ്ധ്യമങ്ങളിൽ അധിക്ഷേപിച്ച ആൾക്കെതിരെ യുവമോർച്ച പൊലീസിൽ പരാതി നൽകി. മാനന്തവാടി ഡി.വൈ.എസ്.പിക്കാണ് പരാതി നൽകിയത്. കുടുംബത്തെ അപമാനിക്കുന്നതാണ് ഇത്തരത്തിലുള്ള പ്രവർത്തിയെന്ന് യുവമോർച്ച ജില്ലാ പ്രസിഡന്റ് കെ. ശരത് കുമാർ പറഞ്ഞു. ബാലാവകാശ കമ്മിഷനും ജില്ലാ പൊലീസ് മേധാവിക്കും പരാതി നൽകി. ജോബിഷ് ജോർജ് എന്ന പേരിലുള്ള പ്രൊഫൈലിൽ നിന്നാണ് അജീഷിന്റെ കുട്ടിയെ അപമാനിക്കുന്ന തരത്തിൽ കമന്റിട്ടത്.