മുഖ്യമന്ത്രിയുടെ മുഖാമുഖം നാളെ

കൊല്ലം: നവകേരള സദസിന്റെ തുടർച്ചയായി മുഖ്യമന്ത്രി പിണറായി വിജയൻ നേരിട്ട് ജനസമക്ഷമെത്തുന്ന മുഖാമുഖം പരിപാടി നാളെ രാവിലെ 9.30 മുതൽ ഉച്ചയ്ക്ക് 1 വരെ ആശ്രാമം യൂനിസ് കൺവെൻഷൻ സെന്ററിൽ നടക്കും. തൊഴിലാളികളുടെയും തൊഴിൽ മേഖലയുടെയും പുരോഗതിക്കാവശ്യമായ നിർദ്ദേശങ്ങൾ സ്വീകരിക്കാൻ നടത്തുന്ന പരിപാടിയിൽ രണ്ടായിരത്തോളം തൊഴിലാളികളും വിവിധ തൊഴിൽ മേഖലകളിൽ വ്യക്തിമുദ്ര പതിപ്പിച്ചവരും പങ്കെടുക്കും. മന്ത്രി വി.ശിവൻകുട്ടി അദ്ധ്യക്ഷനാകും. മന്ത്രിമാരായ കെ.എൻ.ബാലഗോപാൽ, കെ.ബി.ഗണേശ് കുമാർ, ജെ.ചിഞ്ചുറാണി, എം.മുകേഷ് എം.എൽ.എ എന്നിവർ മുഖ്യതിഥികളാകും. തൊഴിൽ നൈപുണ്യ വകുപ്പ് സെക്രട്ടറി ഡോ. കെ.വാസുകി, എംപ്ലോയ്മെന്റ് ഡിപ്പാർട്ട്മെന്റ് ഡയറക്ടർ ഡോ. വീണ.എൻ.മാധവൻ, ലേബർ കമ്മിഷണർ അർജുൻ പാണ്ഡ്യൻ തുടങ്ങിയവർ പങ്കെടുക്കും. ടി.എം.ഹർഷനാണ് മോഡറേറ്റർ.