തറക്കല്ലിടൽ മാർച്ച് മൂന്നിന്
Friday 01 March 2024 12:02 AM IST
പെരിന്തൽമണ്ണ: അങ്ങാടിപ്പുറം പാലിയേറ്റീവിന്റെ സ്വന്തം കെട്ടിടത്തിനുള്ള തറക്കല്ലിടലും രോഗീ സംഗമവും മാർച്ച് മൂന്നിന് നടക്കും. ടി.പി.കുഞ്ഞിരാമൻ നായർ സൗജന്യമായി നൽകിയ സ്ഥലത്താണ് കെട്ടിടനിർമ്മാണം. പുത്തനങ്ങാടി പി.ടി.എം യു.പി സ്കൂളിൽ വർഷാവർഷം നടത്തി വരുന്ന സ്നേഹ സാന്ത്വന സംഗമവും അന്നേ ദിവസം നടക്കുമെന്ന് പാലിയേറ്റീവ് കമ്മിറ്റി പ്രസിഡന്റ് എം.ടി.കുര്യാക്കോസ്, സെക്രട്ടറി നൗഷാദലി കിഴക്കേതലക്കൽ, ട്രഷറർ പ്രകാശ് മേനോൻ, കെട്ടിട നിർമ്മാണ കമ്മിറ്റി ചെയർമാൻ ബേബി വാത്താച്ചിറ, കൺവീനർ കുഞ്ഞിമൊയ്തീൻ ചോലയിൽ,
സേതുമാധവൻ എന്നിവർ പെരിന്തൽമണ്ണയിൽ വാർത്താ സമ്മേളനത്തിൽ അറിയിച്ചു.