സബർമതി ഗ്രന്ഥശാല ഹൃദയോത്സവം
കരുനാഗപ്പള്ളി : സബർമതി ഗ്രന്ഥശാലയുടെ ആഭിമുഖ്യത്തിൽ സംഘടിപ്പിച്ച ഹൃദയോത്സവം സി.ആർ. മഹേഷ്‌ എം.എൽ.എ ഉദ്‌ഘാടനം ചെയ്തു. ഗ്രന്ഥശാല പ്രസിഡന്റ് സുമൻജിത്ത്മിഷ അദ്ധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി വി.വിജയകുമാർ മുഖ്യ പ്രഭാഷണം നടത്തി.വിവിധ മേഖലകളിൽ നിന്നായി പി.എസ്.സതീഷ്കുമാർ,അർച്ചിത ബിനു,അലൻ എസ്.പൂമുറ്റം, അരുണിമ, എ.കെ.ഗിരീഷ്കുമാർ എന്നിവരെ ചടങ്ങിൽ ആദരിച്ചു. സബർമതി വനിതാ വേദി നിർമ്മിച്ച കൺസ്യൂമർ ഉത്പ്പന്നങ്ങളുടെ വിതരണോദ്ഘാടനം നഗരസഭാ കൗൺസിലർ പ്രസന്ന നിർവഹിച്ചു. എസ്.എസ്.എൽ.സി, പ്ലസ് ടു വിജയികൾക്കുള്ള പുരസ്‌കാരം വി,അരവിന്ദകുമാർ വിതരണം ചെയ്തു. യുവജന വേദിയുടെ ജേഴ്‌സി വിതരണം ഓച്ചിറ ഗവ.ഐ.ടി.ഐ പ്രിൻസിപ്പൽ പി.എസ്.സാജു നിർവഹിച്ചു. നഗരസഭ നേതൃസമിതി കൺവീനർ എ.സജീവ്, ചലച്ചിത്ര നടൻ ആദിനാട് തുളസി, ഗ്രന്ഥശാല സെക്രട്ടറി വി.ആർ.ഹരികൃഷ്ണൻ, വൈസ് പ്രസിഡന്റ് മുഹമ്മദ്‌ സലിം ഖാൻ, ലൈബ്രേറിയൻ സുമി സുൽത്താൻ എന്നിവർ സംസാരിച്ചു. എ.കെ.ഗിരീഷ് കുമാറിന്റെ നേതൃത്വത്തിൽ വയലിൻ സോളോയും പരിപാടിയുടെ ഭാഗമായി സംഘടിപ്പിച്ചു.
: