കാസ്കറ്റ് വായനശാലയിൽ വനിതാ ദിനാചരണം

ചവറ: ചവറ തെക്കുംഭാഗം കാസ്കറ്റ് വായനശാല വനിതാവേദി വനിതാദിനം ആചരിച്ചു. ജില്ലാ ലൈബ്രറി കൗൺസിൽ അംഗം ആർ.കെ.ദീപ ഉദ്ഘാടനംചെയ്തു. വനിതാവേദി പ്രസിഡന്റ് ബിന്ദു ബാബു അദ്ധ്യക്ഷയായി. സെക്രട്ടറി അജിതാ പ്രദീപ് സ്വാഗതം പറഞ്ഞു. പഞ്ചായത്ത് അംഗം എസ്.സീതാലക്ഷ്മി, വനിതാവേദി രക്ഷാധികാരി ലക്ഷ്മി വേണുനാഥ് എന്നിവർ സംസാരിച്ചു. ചടങ്ങിൽ തെക്കുംഭാഗം പഞ്ചായത്തിലെ 16 അങ്കണവാടികളിലെ വർക്കർമാരെയും ഹെൽപ്പർമാരെയും പഞ്ചായത്ത് പ്രസിഡന്റ് തങ്കച്ചി പ്രഭാകരൻ ആദരിച്ചു. തുടർന്ന് കവിത - ഗാനാലാപന പരിപാടിയും വനിതാ വേദി അംഗങ്ങൾ കവി മുരുകൻ കാട്ടാക്കടയുടെ കനൽപ്പൊട്ട് എന്ന കവിതയുടെ നൃത്താവിഷ്കാരവും അവതരിപ്പിച്ചു. വനിതാവേദി അംഗം ആർ.രാജി നന്ദി പറഞ്ഞു.