ഓശാന ഞായർ

നിലമ്പൂർ: ഇൻഫന്റ് ജീസസ് പള്ളിയിൽ ഒരാഴ്ച നീണ്ടുനിൽക്കുന്ന വിശുദ്ധ വാരാചരണം ഓശാന ഞായറോടെ ആരംഭിച്ചു. കുരുത്തോലകളുമായി പ്രദക്ഷിണമായി നീങ്ങിയ ഇടവക ജനങ്ങൾ പള്ളി വികാരി ഫാ.ആന്റോ ഡയനീഷ്യസിന്റെ നേതൃത്വത്തിൽ ദിവ്യബലി അർപ്പിച്ചു. ഓശാന ഞായർ ദിവസത്തിലെ പ്രത്യേക ബൈബിൾ പാരായണം നടന്നു. വൈദികർ ആശീർവദിച്ച് നൽകിയ കുരുത്തോലകളുമേന്തി ഓശാന ഗീതങ്ങൾ ആലപിച്ചാണ് പ്രദക്ഷിണം നടത്തിയത്. നിലമ്പൂർ ലിറ്റിൽ ഫ്ളവർ ഫൊറോന പള്ളിയിൽ വികാരി ഫാ.ജയ്സൺ കുഴികണ്ടത്തിൽ കുർബാന അർപ്പിച്ചു. ഫാ. അനീഷ് പുരക്കൽ സന്ദേശം നൽകി.