കേരളസർവകലാശാല ടൈംടേബിൾ
ആറാം സെമസ്റ്റർ സി.ബി.സി.എസ്.എസ്. ബി.എസ്‌സി. പരീക്ഷയുടെ സൈക്കോളജി പ്രാക്ടിക്കൽ, പ്രോജക്ട്, വൈവ പരീക്ഷകൾ മേയ് 15 മുതൽ നടത്തും.
രണ്ടാം സെമസ്റ്റർ ബി.എസ്‌സി./ ബി കോം. ന്യൂജനറേഷൻ ഡബിൾ മെയിൻ പ്രാക്ടിക്കൽ പരീക്ഷടൈംടേബിൾ പ്രസിദ്ധീകരിച്ചു.
കണ്ണൂർ സർവകലാശാല പുനർമൂല്യനിർണയ ഫലം
രണ്ടാം സെമസ്റ്റർ എം.ബി.എ (ഏപ്രിൽ 2023) പരീക്ഷകളുടെ പുനർമൂല്യനിർണയഫലം വെബ്‌സൈറ്റിൽ.
എം.ജി സർവകലാശാല വാർത്തകൾ
പരീക്ഷ മാറ്റി
നാലാം സെമസ്റ്റർ എം.എ (എച്ച്.ആർ.എം) (2022 അഡ്മിഷൻ റഗുലർ, 2021 അഡ്മിഷൻ സപ്ലിമെന്ററി), എം.എച്ച്.ആർ.എം (2020 അഡ്മിഷൻ സപ്ലിമെന്ററി, 2019 അഡ്മിഷൻ ആദ്യ മേഴ്‌സി , 2018 അഡ്മിഷൻ രണ്ടാം മേഴ്‌സി) പരീക്ഷയുടെ 26 ന് നടത്താനിരുന്ന എച്ച്.ആർ.എം ഇൻ സർവീസ് സെക്ടർ എന്ന പേപ്പർ മേയ് 17ലേക്ക് മാറ്റിവച്ചു.
പരീക്ഷാഫലം
മൂന്നാം സെമസ്റ്റർ എം.എസ് സി സൈക്കോളജി, എം.എസ്.സി ബയോ ഇൻഫോർമാറ്റിക്‌സ് (2022 അഡ്മിഷൻ റഗുലർ, 2019,2020,2021 അഡ്മിഷൻ സപ്ലിമെന്ററി നവംബർ 2023) പരീക്ഷാഫലം പ്രസിദ്ധീകരിച്ചു.
മൂന്ന്, നാല് സെമസ്റ്റർ എം.എ സേഷ്യോളജി, എം.എ സിറിയക് (പ്രൈവറ്റ് രജിസ്‌ട്രേഷൻ 2021 അഡ്മിഷൻ ജൂലായ് 2023) പരീക്ഷാഫലം പ്രസിദ്ധീകരിച്ചു.
മെഡിക്കൽ, എൻജിനിയറിംഗ്:
1.73ലക്ഷം അപേക്ഷകർ
തിരുവനന്തപുരം: സംസ്ഥാനത്ത് മെഡിക്കൽ, മെഡിക്കൽ അനുബന്ധ കോഴ്സുകൾ, എൻജിനിയറിംഗ്, ഫാർമസി അടക്കം പ്രൊഫഷണൽ കോഴ്സുകളിൽ പ്രവേശനത്തിന് 1,73,285 പേർ അപേക്ഷിച്ചു. എൻജിനിയറിംഗ് പ്രവേശന പരീക്ഷയ്ക്ക് മാത്രമായി 65007 അപേക്ഷകരാണുള്ളത്. എൻജിനിയറിംഗ്, ഫാർമസി പ്രവേശന പരീക്ഷകൾക്കായി അപേക്ഷിച്ചത് 28763പേരാണ്. ഫാർമസി പ്രവേശന പരീക്ഷയ്ക്ക് മാത്രമായി 18671 പേരും അപേക്ഷിച്ചു. മെഡിക്കൽ, അനുബന്ധ കോഴ്സുകളിലേക്ക് 1,17,114 അപേക്ഷകരാണുള്ളത്. അപേക്ഷാ സമർപ്പണം ഇന്നലെ അവസാനിച്ചു. എൻജിനിയറിംഗ്, ഫാർമസി പ്രവേശന പരീക്ഷ ഇക്കൊല്ലം മുതൽ ഓൺലൈനായാണ് നടത്തുന്നത്. ജൂൺ ഒന്നു മുതൽ 9 വരെയാണ് പരീക്ഷ.