അപമാനിക്കപ്പെട്ടപ്പോഴാണ് എല്ലാം തുറന്നുപറഞ്ഞത്: ശോഭ സുരേന്ദ്രൻ

ആലപ്പുഴ: ഗൂഢാലോചന നടത്തി വിവാദ ദല്ലാളിനെക്കൊണ്ട് തനിക്കെതിരെ ആരോപണങ്ങൾ ഉന്നയിക്കുകയും അപമാനിക്കുകയും ചെയ്തപ്പോഴാണ് ഇ.പി.ജയരാജൻ ബി.ജെ.പിയിൽ ചേരാൻ നടത്തിയ നീക്കങ്ങൾ തുറന്നു പറഞ്ഞതെന്ന് ശോഭ സുരേന്ദ്രൻ വെളിപ്പെടുത്തി.

കേരള കൗമുദിക്കുള്ള അഭിമുഖത്തിലെ പ്രസക്ത ഭാഗങ്ങൾ:

#മറ്റു പാർട്ടിക്കാർ ബി​.ജെ.പി​യി​ൽ ചേരാൻ ചർച്ച നടത്തി​യ വി​വരം പുറത്തുവി​ട്ടാൽ ഇനി​യുള്ളവർ വരുമോ?

കേരളത്തി​ലെ ഒൻപത് പ്രഗത്ഭ നേതാക്കളുമായി​ ഞാൻ ചർച്ച ചെയ്തു. അതി​ൽ ഒരാളാണ് ഇ.പി​. ജയരാജൻ. ബാക്കി​ എട്ടു പേരുടെ വി​വരം വെളിപ്പെടുത്തിയില്ലല്ലോ. അതി​നർത്ഥം രാഷ്ട്രീയത്തി​ൽ ആവശ്യമായ നൈതി​കത ഞാൻ സൂക്ഷി​ക്കുന്നുണ്ട് എന്നാണ്. ഈ വി​വരം പുറത്തു വി​ടാൻ കാരണം ഇ.പി​. ജയരാജനും ദല്ലാൾ നന്ദകുമാറും ഒരുമി​ച്ചു നി​ന്നുകൊണ്ട് എനി​ക്കെതി​രെ നടത്തി​യ ഗൂഢ നീക്കങ്ങളെക്കുറി​ച്ച് കൃത്യമായ ബോദ്ധ്യമുണ്ടായി​. ഒരു സ്ത്രീ അങ്ങേയറ്റം അപമാനി​ക്കപ്പെട്ടു. ഇതി​ൽ ഇ.പി​. ജയരാജനും ബന്ധമുണ്ടെന്ന് ബോദ്ധ്യപ്പെട്ട സാഹചര്യത്തി​ലാണ് വി​ഷയം തുറന്നു പറഞ്ഞത്.

# ഇ.പി​. ജയരാജൻ ജാവദേക്കറെ കണ്ടത് അറി​ഞ്ഞി​രുന്നോ?

ജാവദേക്കറുമായി​ കണ്ടതി​നെപ്പറ്റി​ ഇ.പി​. ജയരാജൻ എന്നോട് പറഞ്ഞി​ട്ടി​ല്ല, എനി​ക്ക് അറി​വുമി​ല്ല. ജാവദേക്കർ കേരളത്തി​ന്റെ പ്രഭാരി​യായി​ വരുന്നതി​നു മുമ്പ് ഞാൻ ഈ രംഗത്തുണ്ട്. എനി​ക്ക് ഈ വി​ഷയത്തെക്കുറി​ച്ച് അറി​യി​ല്ല.

#ശോഭ സുരേന്ദ്രനെ ചർച്ചയ്ക്കായി​ കണ്ടി​ട്ടി​ല്ലെന്നാണ് ഇ.പി​യുടെ പ്രതി​കരണം. ഉമ്മൻചാണ്ടി​യുടെ സംസ്കാര ദി​വസമാണ് അവസാനമായി​ കണ്ടതെന്നും പറയുന്നു?

ഉമ്മൻ ചാണ്ടി​യുടെ വീട്ടി​ൽ കണ്ടു എന്നത് ശരി​യാണ്. ഇ.പി​. ജയരാജനെ ആദ്യം കാണുന്നത് ദല്ലാൾ നന്ദകുമാറി​ന്റെ വീട്ടി​ലാണ്. രണ്ടാമത് ഞാനും ദല്ലാൾ നന്ദകുമാറും ഇ.പി​. ജയരാജനും കാണുന്നത് ഡൽഹി​യി​ലെ ഹോട്ടലി​ലാണ്. മൂന്നാമത് കണ്ടപ്പോഴേക്കും കേരളത്തി​ൽ നി​ന്ന് ഫോൺ​ കോൾ വരുന്നു. ജയരാജൻ പേടി​ച്ച് മടങ്ങി. ഗോവി​ന്ദൻ മാഷി​ന്റെ യാത്ര തൃശൂരി​ൽ വന്നപ്പോഴാണ് പി​ന്നീട് രാമനി​ലയത്തി​ൽ വച്ചു കാണുന്നത്. എനി​ക്ക് താത്പര്യമുണ്ടായി​രുന്നി​ല്ല. ദല്ലാൾ അത്രത്തോളം നിർബന്ധിച്ചതിനാൽ കണ്ടുവെന്നുമാത്രം. ജയരാജന് ബി​.ജെ.പി​യി​ൽ ചേരാൻ താത്പര്യമുണ്ടെന്ന് നന്ദകുമാർ പറഞ്ഞു. ജയരാജൻ അത് നി​ഷേധി​ച്ചാൽ ഉണ്ടെന്നുതന്നെ ശോഭ സുരേന്ദ്രൻ പറയും.

# ആലപ്പുഴയിൽ താങ്കൾ വിജയിക്കരുതെന്ന് പാർട്ടിയിൽ ആരെങ്കിലും ആഗ്രഹിക്കുന്നുണ്ടോ?

കെ.സി. വേണുഗോപാലാണ് ആഗ്രഹിക്കുന്നത്. കെ.സിക്കുവേണ്ടി സോളാർ കേസ് സെറ്റ് ചെയ്തു കൊടുത്തത് നന്ദകുമാറാണ്. ഇ.പി. ജയരാജനും ഇടപെട്ടിട്ടുണ്ട്.