ആറുവരിപ്പാതയിൽ പരമാവധി വേഗം 100
Wednesday 22 May 2024 4:19 AM IST
തിരുവനന്തപുരം: സംസ്ഥാനത്ത് ആറുവരി ദേശീയ പാതയിൽ പരമാവധി വേഗത മണിക്കൂറിൽ 110 കിലോമീറ്ററിൽ നിന്ന് നൂറായി കുറച്ചു. എം വൺ വിഭാഗത്തിലെ, ഡ്രൈവറെ കൂടാതെ എട്ടു സീറ്റുള്ള വാഹനങ്ങളുടെ പരിധിയാണിത്. എം2, എം3 കാറ്റഗറി വാഹനങ്ങളുടെ വേഗത (ഡ്രൈവറെ കൂടാതെ ഒൻപതോ അതിൽ കൂടുതലോ സീറ്റ്) 95ൽ നിന്ന് 90 കിലോമീറ്ററാക്കിയും ദേശീയപാത അതോറിട്ടിയുടെ നിർദ്ദേശപ്രകാരം വിജ്ഞാപനമിറക്കി. അതേസമയം, നാലുവരിപ്പാതയുടെ കാര്യം പറയുന്നില്ല. നാലുവരി പ്പാതയിൽ എം1, എം2, എം3 വാഹനങ്ങൾക്ക് യഥാക്രമം 100, 90 കിലോമീറ്ററാണ് വേഗപരിധി.