കേരള സർവകലാശാല പരീക്ഷാഫലം
ആറാം സെമസ്റ്റർ സി.ബി.സി.എസ്. ബി.എസ്.സി (2021 റഗുലർ,2020,2019 സപ്ളിമെന്ററി അഡ്മിഷൻ) പരീക്ഷാഫലം പ്രസിദ്ധികരിച്ചു.പുനർമൂല്യനിർണയത്തിന്നും സൂക്ഷ്മപരിശോധനയ്ക്കും ജൂൺ 10 വരെ ഓൺലൈനായി അപേക്ഷിക്കാം.
ആറാം സെമസ്റ്റർ ബി.എ, ബി.എസ് സി(എഫ്.ഡി.പി -സി.ബി.സി.എസ്.എസ്) (2021 റഗുലർ,2020,2019 സപ്ളിമെന്ററി അഡ്മിഷൻ) പരീക്ഷാഫലം പ്രസിദ്ധികരിച്ചു.പുനർമൂല്യനിർണയത്തിന്നും സൂക്ഷ്മപരിശോധനയ്ക്കും ജൂൺ 10 വരെ ഓൺലൈനായി അപേക്ഷിക്കാം.
എം.ബി.എ ഓൺലൈൻ ഇന്റർവ്യൂ
തിരുവനന്തപുരം: നെയ്യാർഡാമിലെ കേരള ഇൻസ്റ്റിറ്റ്യൂട്ട് ഒഫ് കോ-ഓപ്പറേറ്റീവ് മാനേജ്മെന്റിൽ (കിക്മ) എം.ബി.എ (ഫുൾ ടൈം) ബാച്ചിൽ 28 ന് രാവിലെ 10 മുതൽ 12 വരെ ഓൺലൈൻ ഇന്റർവ്യൂ നടത്തും. ലിങ്ക്: https://bit.ly/kicmamba. വിവരങ്ങൾക്ക്: 8547618290/9188001600, www.kicma.ac.in.
JIPMAT 2024: സിറ്റി ഇന്റിമേഷൻ സ്ലിപ്പ്
ജോയിന്റ് ഇന്റഗ്രേറ്റഡ് പ്രോഗ്രാം ഇൻ മാനേജ്മെന്റ് ടെസ്റ്റിന്റെ (JIPMAT) സിറ്റി ഇന്റിമേഷൻ സ്ലിപ്പ് നാഷണൽ ടെസ്റ്റിംഗ് ഏജൻസി (എൻ.ടി.എ) പ്രസിദ്ധീകരിച്ചു. വെബ്സൈറ്റ്: jipmat.nta.ac.in. രാജ്യത്തെ 73 നഗരങ്ങളിലായി ജൂൺ ആറിനാണ് പരീക്ഷ.
ഗസ്റ്റ് അദ്ധ്യാപക നിയമനം
തിരുവനന്തപുരം: തൃപ്പൂണിത്തുറ ഗവ. സംസ്കൃത കോളജിൽ സംസ്കൃതം സാഹിത്യം, ജ്യോതിഷം വിഭാഗങ്ങളിൽ ഗസ്റ്റ് അദ്ധ്യാപകരെ നിയമിക്കുന്നു. കോളജ് വെബ്സൈറ്റിൽ (govtsanskritcollegepra.edu.in) നൽകിയിട്ടുള്ള അപേക്ഷ ഫോം പൂരിപ്പിച്ച് സർട്ടിഫിക്കറ്റുകളുടെ പകർപ്പ് സഹിതം 29നകം നേരിട്ടോ തപാലിലോ കോളേജ് പ്രിൻസിപ്പലിന്റെ മേൽവിലാസത്തിൽ അപേക്ഷിക്കണം ഫോൺ: 9446078726.
'ഒന്നാംതരം കുഞ്ഞെഴുത്തുകൾ'
കൈറ്റ് വിക്ടേഴ്സിൽ
തിരുവനന്തപുരം: ഒന്നാംക്ലാസിലെ കുട്ടികളുടെ കുഞ്ഞെഴുത്തുകൾ 'ഒന്നാംതരം ' എന്ന പേരിൽ ദൃശ്യാവിഷ്കാരമാക്കി കൈറ്റ് വിക്ടേഴ്സ്. കൈറ്റിന്റെ 'സ്കൂൾവിക്കി'യിൽ കഥയും കവിതയും ചിത്രങ്ങളും കുറിപ്പുകളുമായി പ്രസിദ്ധീകരിച്ച കുഞ്ഞെഴുത്തുകൾ വികസിച്ചതിന്റെ കഥ കുട്ടികളും അദ്ധ്യാപകരും രക്ഷിതാക്കളും പറയുന്ന പരമ്പരയാണിത്. 'ഒന്നാംതരം ' എല്ലാ ബുധനാഴ്ചയും രാത്രി 8.30 ന് കൈറ്റ് വിക്ടേഴ്സിൽ സംപ്രേഷണം ചെയ്യുമെന്ന് സി.ഇ.ഒ കെ.അൻവർ സാദത്ത് അറിയിച്ചു.