'ദേ പിന്നെയും വില കൂടി'; സ്വർണത്തിനൊപ്പം വെള്ളിയ്‌ക്കും കുതിച്ചുചാട്ടാം

Tuesday 28 May 2024 12:21 PM IST

തിരുവനന്തപുരം: സംസ്ഥാനത്ത് ഇന്നും സ്വർണവില ഉയർന്നു. തുടർച്ചയായ രണ്ടാം ദിവസമാണ് സ്വർണവില ഉയർന്നത്. ഇന്ന് ഒരു പവൻ സ്വർണത്തിന് 160 രൂപയാണ് വർദ്ധിച്ചത്. ഇന്നലെ 200 രൂപ വർദ്ധിച്ചിരുന്നു. ഒരു പവൻ സ്വർണത്തിന്റെ ഇന്നത്തെ വിപണി വില 53,480 രൂപയാണ്. ഇന്നലെ 53,320 രൂപയായിരുന്നു.

ഒരു ഗ്രാം 22 കാരറ്റ് സ്വർണത്തിന്റെ വില ഗ്രാമിന് 6,685 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 5,470 രൂപയായി. മേയ് 26, 25, 24 എന്നീ ദിവസങ്ങളിലെ ഒരു പവൻ സ്വർണത്തിന്റെ വില 53,120 രൂപയായിരുന്നു. ഈ മാസത്തെ ഏറ്റവും ചെറിയ സ്വർണനിരക്ക് രേഖപ്പെടുത്തിയത് മേയ് ഒന്നിനാണ്. അന്ന് ഒരു പവൻ സ്വർണത്തിന്റെ വില 52,440 രൂപയായിരുന്നു.

വെള്ളിയുടെ വിലയും കുത്തനെ ഉയർന്നിട്ടുണ്ട്. ഒരു ഗ്രാം സാധാരണ വെള്ളിയുടെ ഇന്നത്തെ വിപണി വില 101 രൂപയാണ്. ഇന്നലെ 97.50 രൂപയായിരുന്നു.

മേയിലെ സ്വർണനിരക്ക്

മേയ് 28₹53,480

മേയ് 27₹53,320

മേയ് 26₹53,120

മേയ് 25₹53,120

മേയ് 24₹53,120

മേയ് 23₹53,840

മേയ് 22₹54,640

മേയ് 21₹54,640

മേയ് 20₹55,120

മേയ് 19₹ 54,720