വൃക്ഷത്തൈനടീൽ കാമ്പയിന് തുടക്കം

പേരാമ്പ്ര: പരിസ്ഥിതി ദിനത്തോടനുബന്ധിച്ച് എ.ഐ.വൈ.എഫ് മേപ്പയൂർ മണ്ഡലം കമ്മിറ്റിയുടെ നേതൃത്വത്തിൽ സി.പി.ഐ സംസ്ഥാന സെക്രട്ടറി കാനം രാജേന്ദ്രന്റെ ഓർമ്മയ്ക്കായ് മണ്ഡലത്തിലെ മുഴുവൻ യൂണിറ്റ് കേന്ദ്രത്തിലും വൃക്ഷത്തൈ നടുന്ന കാമ്പയിന് ആവളയിൽ തുടക്കമായി. മഠത്തിൽ മുക്ക് യൂണിറ്റിൽ എ.ഐ.വൈ.എഫ് ജില്ലാ പ്രസിഡന്റ് അഡ്വ.കെ.പി ബിനൂപ് മണ്ഡലം തല ഉദ്ഘാടനം നിർവഹിച്ചു. മണ്ഡലം പ്രസിഡന്റ് അഖിൽ കേളോത്ത് അദ്ധ്യക്ഷത വഹിച്ചു. എ.ഐ.വൈ.എഫ് മണ്ഡലം സെക്രട്ടറി ധനേഷ് കാരയാട് , ജില്ലാ കമ്മിറ്റി അംഗം കെ.എം ബിജിഷ പ്രമോദ് ദാസ്, കെ രവീന്ദ്രൻ തുടങ്ങിയവർ പ്രസംഗിച്ചു. കെ.എം ലെനീഷ് , വി.ജയലക്ഷ്മി തുടങ്ങിയവർ നേതൃത്വം നൽകി.