'ഭൂമിമിത്ര' പുരസ്കാരം സമ്മാനിച്ചു

ആലുവ: ആലുവ പരിസ്ഥിതി സംരക്ഷണ സംഘം ആലുവ സെന്റ് സേവിയേഴ്‌സ് കോളേജുമായി സഹകരിച്ച് സംഘടിപ്പിച്ച ലോക പരിസ്ഥിതി ദിനാചരണം അൻവർ സാദത്ത് എം.എൽ.എ ഉദ്ഘാടനം ചെയ്തു. പരിസ്ഥിതി സംരക്ഷണ സംഘം പ്രസിഡന്റ് ചിന്നൻ ടി. പൈനാടത്ത് അദ്ധ്യക്ഷനായി. വാട്ടർ അതോറിട്ടി മുൻ ഡയറക്ടർ ഡോ. വി. കുരിയൻ ബേബി മുഖ്യാതിഥിയായി. മികച്ച പരിസ്ഥിതി സംഘടനക്കുള്ള 'ഭൂമിമിത്ര' പുരസ്‌കാരം എസ്.സി.എം.എസ് കോളേജിലെ വാട്ടർ ഇൻസ്റ്റിറ്റ്യൂട്ടിന് ഡോ. വി. കുരിയൻ ബേബി കൈമാറി. സൈജി ജോളി, ഡോ. ജി. മധു, ബിനു തോമസ്, എം.പി. സൈമൺ, പ്രൊഫ. പ്രമോദ് പി. തേവന്നൂർ, ഡോ. മിലൻ ഫ്രാൻസ്, ഡോ. സണ്ണി ജോർജ്, ഡോ. മറിയ പോൾ, ഡോ. കെ. ലേഖ തുടങ്ങിയവർ സംസാരിച്ചു.