ചരിത്ര നേട്ടവുമായി എൻ.എസ്.ഇ

കൊച്ചി: ഒരു വ്യാപാര ദിനത്തിൽ 1,971 ഇടപാടുകൾ കൈകാര്യം ചെയ്ത് രാജ്യത്തെ ഏറ്റവും വലിയ ഓഹരി എക്‌സ്ചേഞ്ചായ നാഷണൽ സ്‌റ്റോക്ക് എക്‌സ്ചേഞ്ച്(എൻ.എസ്.ഇ) ലോക റെക്കാഡിട്ടു. ചൊവ്വാഴ്ചയുണ്ടായ കനത്ത തകർച്ചയ്ക്ക് ശേഷം ഇന്നലെ ഓഹരി വിപണി ശക്തമായി തിരിച്ച് കയറിയതോടെ ഇടപാടുകളുടെ എണ്ണത്തിൽ വൻ വർദ്ധനയാണുണ്ടായതെന്ന് എൻ.എസ്.ഇ ചീഫ് എക്സിക്യുട്ടീവ് ഓഫീസർ ആശിഷ് ചൗഹാൻ പറഞ്ഞു. ഇന്നലെ 28.55 കോടി കരാറുകളാണ് എൻ. എസ്. ഇ കൈകാര്യം ചെയ്തത്. ലോകത്തിൽ ആദ്യമായാണ് ഒരു ഓഹരി എക്സ്ചേഞ്ച് പ്രതിദിനം ഇത്രയേറെ ഇടപാടുകൾ കൈകാര്യം ചെയ്യുന്നത്.