ഇഗ്നോ ടേം എൻഡ് പരീക്ഷ ഇന്നുമുതൽ
തിരുവനന്തപുരം: ഇന്ദിരാഗാന്ധി നാഷണൽ ഓപ്പൺ യൂണിവേഴ്സിറ്റിയുടെ 2023 ഡിസംബറിലെ ടേം എൻഡ് പരീക്ഷകൾ ഇന്ന് മുതൽ 15 വരെ നടക്കും. ഇഗ്നോയുടെ തിരുവനന്തപുരം മേഖലാ കേന്ദ്രത്തിന് കീഴിൽ തിരുവനന്തപുരം, കൊല്ലം, പത്തനംതിട്ട, കന്യാകുമാരി ജില്ലകളിലെ 9 പരീക്ഷാ കേന്ദ്രങ്ങളിലായി 25,000 ഓളം വിദ്യാർത്ഥികൾ പരീക്ഷയെഴുതും. ഹാൾ ടിക്കറ്റ് www.ignou.ac.in ൽ നിന്ന് ഡൗൺലോഡ് ചെയ്യാം. ഫോൺ: 9447044132. ഇഗ്നോ റീജിയണൽ സെന്റർ ക്യാമ്പസ്, മുട്ടത്തറ, വള്ളക്കടവ് പി.ഒ, തിരുവനന്തപുരം വിലാസത്തിലും ബന്ധപ്പെടാം.
കെ-മാറ്റ് അപേക്ഷ 10വരെ നീട്ടി
എം.ബി.എ പ്രവേശന പരീക്ഷയായ കെ-മാറ്റിന് 10ന് വൈകിട്ട് ആറു വരെ www.cee.kerala.gov.inൽ അപേക്ഷിക്കാം. വിജ്ഞാപനം വെബ്സൈറ്റിൽ. ഹെൽപ്പ്ലൈൻ : 0471 2525300.
ആയുർവേദ തസ്തികകളിൽ എഴുത്തുപരീക്ഷ
നാഷണൽ ആയുഷ് മിഷൻ കേരള, സ്പെഷ്യലിസ്റ്റ് മെഡിക്കൽ ഓഫീസർ സ്പോർട്സ് ആയുർവേദ, മെഡിക്കൽ ഓഫീസർ സ്പോർട്സ് ആയുർവേദ പ്രോജക്റ്റ് തസ്തികകളിലേക്കുള്ള എഴുത്തു പരീക്ഷ 9ന് നടക്കും. ഹാൾടിക്കറ്റിനും വിശദവിവരങ്ങൾക്കും : www.nam.kerala.gov.in.
ഡ്രൈവർ കം ഓഫീസ് അറ്റൻഡന്റ്: അപേക്ഷ ക്ഷണിച്ചു
സംസ്ഥാന യുവജന കമ്മിഷൻ ഓഫീസിൽ ഡ്രൈവർ കം ഓഫീസ് അറ്റൻഡന്റ് തസ്തികയിലേക്ക് അപേക്ഷ ക്ഷണിച്ചു. കരാർ വ്യവസ്ഥയിൽ ഒരു വർഷത്തേക്കാണ് നിയമനം. യോഗ്യത: പത്താം ക്ലാസ്, ഡ്രൈവിംഗ് ലൈസൻസ്. പ്രായോഗിക പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. 13ന് മുമ്പായി അപേക്ഷ നൽകണം. വിലാസം: സെക്രട്ടറി, കേരള സംസ്ഥാന യുവജന കമ്മിഷൻ, വികാസ് ഭവൻ, പി.എം.ജി, തിരുവനന്തപുരം- 695033. ഇ-മെയിൽ: keralayouthcommission@gmail.com
നുവാൽസിൽ കൗൺസിലർ
കളമശേരി നാഷണൽ യൂണിവേഴ്സിറ്റി ഒഫ് അഡ്വാൻസ്ഡ് ലീഗൽ സ്റ്റഡീസിൽ കൗൺസിലർ തസ്തികയിൽ കരാറടിസ്ഥാനത്തിൽ നിയമനത്തിന് അപേക്ഷിക്കാം. വിവരങ്ങൾക്ക്: www.nuals.ac.in.
തൊഴിലധിഷ്ഠിത കോഴ്സ്
ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ് കമ്പ്യൂട്ടർ ഹാർഡ്വെയർ ആൻഡ് നെറ്റ്വർക്ക് മെയിന്റനൻസ്, ഡി.സി.എ, പി.ജി.ഡി.സി.എ, മൊബൈൽ ഫോൺ ടെക്നോളജി പ്രവേശനത്തിന് അപേക്ഷിക്കാം. ഫോൺ- 0471 2337450, 2320332
പരീക്ഷാഫലം
മെഡിക്കൽ വിദ്യാഭ്യാസ വകുപ്പ് നടത്തിയ ഡി.ഫാം പാർട്ട് I (റഗുലർ/ സപ്ലിമെന്ററി) പരീക്ഷാഫലം www.dme.kerala.gov.inൽ.
വയോജന പരിപാലന പരിശീലനം
കൗൺസലിംഗ്, ഗൈഡൻസ് ആൻഡ് മാനേജ്മെന്റ് ഇൻ ജറിട്രിയാട്രിക് കെയർ കോഴ്സിലേക്ക് അപേക്ഷ ക്ഷണിച്ചു. ആറ് മാസത്തേക്കാണ് പരിശീലനം. സാമൂഹ്യ പ്രവർത്തകർ, സാമൂഹ്യ ശാസ്ത്ര വിദ്യാർത്ഥികൾ, നഴ്സിംഗ് വിദ്യാർത്ഥികൾ, വയോജന പരിപാലകർ, മനുഷ്യാവകാശ പ്രവർത്തകർ തുടങ്ങിയവർക്ക് 15 നകം അപേക്ഷിക്കാം. പ്രോസ്പെക്ടസും അപേക്ഷാ ഫോമും www.gerontocentre.orgൽ. ഫോൺ: 9446176426, 8089061198.