ബോധവത്കരണം
Wednesday 19 June 2024 1:59 AM IST
ചിറ്റൂർ: നല്ലേപ്പിള്ളി കുടുംബാരോഗ്യ കേന്ദ്രവും കൊഴിഞ്ഞാമ്പാറ ഗവ. ആർട്സ് ആൻഡ് സയൻസ് കോളേജ് എൻ.എസ്.എസ് യൂണിറ്റും സംയുക്തമായി ലോക രക്തദാന ദിനത്തിൽ വിദ്യാർത്ഥികൾക്കായി ബോധവത്കരണ ക്ലാസ് നടത്തി. ജൂനിയർ ഹെൽത്ത് ഇൻസ്പെക്ടർ റിജിൻ, എം.എൽ.എസ്.പി ലീബ എന്നിവർ ക്ലാസിന് നേതൃത്വം നൽകി. യുവതലമുറ രക്തദാനത്തിനായി മുന്നോട്ടു വരേണ്ടത്തിന്റെ ആവശ്യകതയും പ്രധാന്യവും വിശദീകരിച്ചു. രക്തദാന പ്രതിജ്ഞ ചൊല്ലി. പ്രിൻസിപ്പൽ ഡോ.ബേബി രാജീവ് ഉദ്ഘാടനം ചെയ്തു. എൻ.എസ്.എസ് കോ ഓർഡിനേറ്റർ ഡോ.ബിന്ദു സംസാരിച്ചു.